Bügın körnektı ǧalym, Qazaqstan arheologiia mektebınıŋ negızın qalauşylardyŋ bırı, tarih ǧylymdarynyŋ doktory Kemel Aqyşevtyŋ tuǧanyna 100 jyl toldy, dep habarlaidy “Adyrna” ūlttyq portaly.
Kemel Aqyşev 1924 jyly, Pavlodar oblysy, Baianauyl audanynda düniege keldı.
Äskeri uchilişenı aiaqtaǧan soŋ maidanǧa attanady. 1950 jyly Qazaq Memlekettık universitetınıŋ tarih fakultetın bıtıredı.
KSRO ǦA Arheologiia institutynyŋ Leningrad bölımıne aspiranturaǧa tüsıp, 1953 jyly Memlekettık Ermitajdyŋ Ǧylymi keŋesınde kandidattyq dissertasiiasyn qorǧaidy.
Studenttık jyldary arheologiialyq qazba jūmystaryna qatysady. 1955 jyly Qazaq KSRO ǦA Tarih, arheologiia, etnografiia institutynyŋ arheologiia bölımınıŋ meŋgeruşısı, sodan keiın Älkei Marǧūlan atyndaǧy QR ŪǦA Arheologiia institutynyŋ bas (negızgı) ǧylymi qyzmetkerı bolady. 2000 jyly Astana qalasyna köşıp, Lev Gumilev atyndaǧy Euraziia Ūlttyq universitetınde arheologiialyq rekonstruksiianyŋ laboratoriiasyn qūrady
Kemel Aqyşev otandyq ǧylymnyŋ ǧana emes, adamzat damuyna qomaqty üles qosty. Tūŋǧyş «Altyn adamdy» tauyp, Qazaqstandy älemge äigıledı.
1982 jyly Qazaqstan Memlekettık syilyǧynyŋ laureaty, 1966 jyly QR ǧylym akademiiasynyŋ Ş.Uälihanov atyndaǧy arnauly syilyǧynyŋ laureaty, 1983 jyly German Arheologiialyq institutynyŋ korrespondent-müşesı atanyp, Qazaqstan ǧylymyna eŋbek sıŋırgen qairatker jäne «Parasat» ordenımen marapattalǧan.
Ūqsas jaŋalyqtar
