Bügın Moŋǧoliia Moŋǧol halyq respublikasynyŋ jariialanuy men bırınşı Konstitusiianyŋ qabyldanǧanyna jüz jyl tolǧanyn atap öttı, dep habarlaidy "Adyrna" ūlttyq portaly MONSAME-ge sılteme jasap.
Būl künı 1924 jyly el resmi türde monarhiiadan bas tartyp, respublika türındegı basqaru jüiesın qabyldady, osylaişa HH ǧasyrdyŋ zamanaui jäne progressivtı saiasi jüiesın qabyldaǧan Aziiadaǧy alǧaşqy elderdıŋ bırı boldy. Konstitusiia qabyldanǧannan keiın Moŋǧoliia tek monarhiialyq basqarudan bas tartpai, halyqtyŋ negızınde bilık qūru jüiesıne öttı. Sonymen qatar, demokratiialyq ideialar men qūndylyqtardy körsetetın zaŋdar äzırlendı, būl azamattardyŋ qūqyqtary men bostandyqtaryn nyǧaitu jolyndaǧy maŋyzdy qadam boldy. Mysaly, feodalizm joiyldy, tabiǧi resurstar halyq menşıgı dep jariialandy, azamattardyŋ dauys beru jäne sailanu qūqyǧy, sondai-aq erler men äielder üşın teŋ qūqyqtar zaŋ jüzınde bekıtıldı. Būl özgerıster qazırgı parlamenttık basqarudyŋ negızın qalady.
Moŋǧoliianyŋ alǧaşqy Konstitusiiasy 6 taraudan jäne 50 baptan tūrady. Alǧaşqy Konstitusiianyŋ 1-babynda bylai dep jazylǧan: "Endı Moŋǧoliia Moŋǧol halyq respublikasy dep atalady, memlekettık joǧarǧy bilık halyqqa tiesılı bolady, barlyq memlekettık ıster Ūly memlekettık hural (parlament) jäne onyŋ sailaǧan ükımetı arqyly şeşıledı."
Ūqsas jaŋalyqtar
