Bügın körnektı ǧalym, jazuşy, audarmaşy jäne qoǧam qairatkerı Evnei Arystanūly Böketovtıŋ tuǧanyna 100 jyl toldy.
Ol – qazaq ǧylymynyŋ damuyna, ädebietıne jäne bılım salasyna ölşeusız üles qosqan dara tūlǧa.
Evnei Böketov – himiia ǧylymdarynyŋ doktory, Qazaq KSR Ǧylym akademiiasynyŋ korrespondent-müşesı. Onyŋ zertteulerı metallurgiia salasyna tyŋ jaŋalyqtar äkeldı.
Ol basqarǧan ūjym bes bırdei avtorlyq kuälıkke ie bolyp, Kanada, AQŞ, Australiia, Şvesiia, Fransiia, Germaniia, Japoniia, İtaliia tärızdı elder patent tapsyrǧan. Osy institutta türlı tüstı, sirek jäne bytyraŋky metaldar zerthanasyn aşady. Būl Qazaqstan ǧylymy üşın kütpegen jaŋalyq edı. Özı basqarǧan osy zerthanada molibden, volfram, selen jäne tellur boiynşa zertteuler jürgızgen.
Ol 100-den astam ǧylymi eŋbek jazyp, önertabystarymen öndırıstıŋ damuyna üles qosty.
Böketov – Qazaqstandaǧy joǧary bılımnıŋ damuyna üles qosqan bıregei tūlǧa. Ol 1972 jyly Qaraǧandy memlekettık universitetınıŋ negızın qalap, alǧaşqy rektory boldy. Qazırgı taŋda būl oqu orny ǧalymnyŋ esımımen atalady.
Ädebiet salasynda Evnei Böketov Abai men Mūhtar Äuezov şyǧarmalaryn taldap, bırsypyra tuyndylar jazǧan sarabdal synşy. Sondai-aq, Sergei Eseninnıŋ "Anna Onegina" poemasyn, Vladimir Maiakovskiidıŋ öleŋderın ana tılımızde söiletken tamaşa audarmaşy.
Ūqsas jaŋalyqtar
