Tarihi derekterge süiensek osydan 94 jyl būryn 1930 jyly 1 mamyrda Türkısıb temır joly alǧaş ret uaqytşa paidalanuǧa berıldı, dep habarlaidy "Adyrna" portaly.
Türksıb qūrylysy – qazaq dalasynda ūlttyq jūmysşy tabynyŋ qalyptasu köşın bastaidy. Osydan tura 90 jyl būryn paidalanuǧa berılgen Ūly qūrylys künı bügınge deiın qazaq elıne qyzmet etıp, asa maŋyzdy kölık arteriiasyna ainalyp otyr.
«…1930 jyldyŋ 28 säuır künı Ainabūlaq stansiiasynda TürkıstanSıbır temır jolynyŋ soltüstık pen oŋtüstık telımderı tüiıstı. Osy jyldyŋ 1 mamyrynan bastap jol uaqytşa paidalanuǧa, al 1931 jyldyŋ 1 qaŋtarynan bastap tūraqty paidalanuǧa berıldı» deidı tarihi derek.
1930 jyly Ortalyq Aziia men Sıbır aralyǧyn jalǧastyrǧan Türkıstan-Sıbır temırjolynyŋ aşylu saltanaty öttı. Būl temırjol Semei qalasynan Almaty arqyly Jambyl oblysynyŋ Lugovoi beketıne deiıngı aralyqty jalǧady. Ūzyndyǧy 1452 şaqyrym. Temırjol qūrylysy 1927 jyly bastalyp, 1931 jyly tolyǧymen aiaqtalǧan. Qūrylys injenerı Mūhamedjan Tynyşbaev boldy. Eŋ bırınşı bolyp E-1441 parovozy qūrylys zattarymen jürıp öttı.
Mūhamedjan Tynyşbaev 1905 jyly Sankt-Peterburgtegı I Aleksandr atyndaǧy jol qatynasy injenerlerı İmperatorlyq institutyn tämamdap, "Türkıstan - Sıbır temırjoly qūrylysy" taqyrybynda diplom jūmysyn qorǧaidy. Sol joba diplom qorǧauynan keiın arada 25 jyl ötkende ıske asady.
Temır jol stansiiasyn salu jobasynyŋ bastapqy nūsqasy boiynşa stansiia sol kezdegı şaǧyn Almatynyŋ batys jaq şetınde boluy kerek edı. Stansiia orny taŋdalar kezde Mūhametjan Tynyşbaev alǧaşqy nūsqanyŋ qate ekenın däleldeidı. 1928 jyldan Türksıb qūrylysynyŋ tehnikalyq-öndırıstık bölımınıŋ bastyǧy bolyp qyzmet atqarǧan täjıribesı mol Tynyşbaevqa köp narse jaqsy tanys edı. Ol Almaty-1 stansiiasynyŋ ornyn taŋdauda, taŋdalǧan nūsqanyŋ tiımsızdıgın däleldep, baspasözde bırneşe maqala jariialady.
Ūqsas jaŋalyqtar
