Qaraǵandy oblysynda jumysshy poıyzdyń astyna túsip, qaza tapty. Qaıǵyly oqıǵa 15 qańtar kúni "Shubarkól kómir" AQ ishki temirjol jelisinde bolǵan, dep habarlaıdy “Adyrna” ulttyq portaly.
Baǵyttaý beketiniń kezekshisi beımálim jaǵdaıda poıyz astyna qulap, qaza tapqan.
Kompanııanyń málimetinshe, jumys kezinde baǵyttaý beketiniń kezekshisi bos vagondardyń astyna túsip ketken.
"Bolǵan oqıǵanyń sebepterin anyqtaý úshin arnaıy komıssııa quryldy. Tergeý bastaldy. kompanııa ujymy men basshylyǵy marqumnyń týystaryna kóńil aıtady jáne qajetti kómek kórsetedi", — delingen kompanııa habarlamasynda.
Aıta keteıik, “Shubarkól kómir" - Qazaqstandaǵy iri energetıkalyq kómir óndirýshileriniń biri. Qaraǵandy oblysynda ornalasqan.
