Qazaqstannyŋ Energetika ministrı Erlan Aqkenjenovtıŋ aituynşa, Kaspii qūbyr konsorsiumyna (KQK) qazırgı taŋda balama baǧyt joq. Būl turaly ol Astanada ötken Joǧary Euraziialyq ekonomikalyq keŋes otyrysynyŋ kuluarynda mälımdedı, dep habarlaidy "Adyrna".
Ministrdıŋ sözınşe, KQK-nyŋ jyldyq tasymaldau quaty şamamen 82 mln tonna mūnaidy qūraidy jäne būl kölemdı almastyratyn basqa qūbyr jelısı äzırge joq. Sondyqtan ony «balama baǧyt» dep atau dūrys emes, tek qosymşa baǧyttar qarastyryluda.
"Qazırgı uaqytta KQK 82 million tonna mūnai tasymaldauǧa qauqarly. Būl osy qūbyrdyŋ quaty. Bügınde oǧan balama joq. (...) Qazır Qazaqstannan halyqaralyq naryqtarǧa osynşama kölemdı (60-70 million tonna - red. esk.) tasymaldai alatyn balama nemese basqa qūbyr joq. Sondyqtan bızdıŋ aityp otyrǧanymyzdyŋ bärı - qosymşa baǧyttar", - dedı Aqkenjenov.
Ministr Qazaqstan mūnai tasymaldau üşın kez kelgen qosymşa baǧytty qarastyryp jatqanyn aityp öttı.
"Bızde Qazaqstan - Qytai qūbyry bar, qazır keibır kölemderdı Kaspii teŋızı arqyly, Äzerbaijan arqyly, sondai-aq Aqtau - Mahachkala arqyly tasymaldap jatyrmyz. Sondyqtan mūnyŋ bärı qosymşa baǧyttar", - dep atap öttı ol.
