Qazaqstan men Özbekstandy bailanystyratyn jaŋa temırjol jelısı salynyp jatyr. Būl turaly «Qazaqstan temır joly» kompaniiasynyŋ baspasöz qyzmetı mälımdedı, dep habarlaidy “Adyrna” ūlttyq portaly Kazinform agenttıgıne sıltep.
Aqparatqa säikes, Qazaqstan men Özbekstandy bailanystyratyn jaŋa temırjol jelısı 2027 jyly paidalanuǧa berılmek. «Qazaqstan temır joly» kompaniiasynyŋ baspasöz qyzmetınen mälım etkendei, jaŋa temırjol jelısın ıske qosu «Saryaǧaş» stansiiasynyŋ jüktemesın azaituǧa jäne Özbekstanǧa eksport kölemın arttyruǧa mümkındık beredı. “Būl maqsatta «Qazaqstan temır joly» 286 mlrd teŋgege investisiialyq jobany jüzege asyryp jatyr. Darbaza-Maqtaaral jaŋa jelısı Türkıstan oblysynyŋ ekı şalǧai audanyn, atap aitqanda Maqtaaral men Jetısaidy Qazaqstannyŋ basqa aimaqtarymen bailanystyruǧa mümkındık beredı. Bügıngı taŋda 203 şaqyrym joldyŋ şamamen 100 şaqyrymyna rels-şpaldy tor töseldı”, — delıngen «QTJ» kompaniiasy taratqan habarlamada. Jobaǧa 46 tehnika men 70-ten astam adam jūmyldyrylǧan. Kompaniiadan atap ötkendei, qūrylys kezeŋınde 3 400 uaqytşa jūmys orny qūrylady. Al jelı qoldanysqa berıletın 2027 jyly 500-den astam tūrǧyn tūraqty jūmyspen qamtylady.Ūqsas jaŋalyqtar
