Mäjılıste qazaq tılı boiynşa alynatyn emtihan qyzu talqyǧa tüstı, dep habarlaidy "Adyrna" ūlttyq portaly Tengrinews-qa sıltep.
Mäjılıste tehnikalyq jäne käsıptık bılım beru men köşı-qon mäselelerıne qatysty zaŋ jobasy bırınşı oqylymda qaralǧan kezde deputat Mūrat Äbenov eŋbek jäne halyqty äleumettık qorǧau ministrlıgınıŋ qandastarǧa engızgen talaptaryn synǧa aldy. Onyŋ aituynşa, būǧan deiın qandastar özderı qalaǧan öŋırge qonystana alsa, qazır pilottyq joba aiasynda tek belgılı bır aimaqtarǧa ǧana jıberıledı. Sonymen qatar, būryn qazaq tılınen Kaztest tapsyrmaǧan etnikalyq qazaqtarǧa endı memlekettık tılden emtihan engızılgen. Deputat şeteldegı köptegen qazaq kirill älıpbiın bılmeitının aityp, būl talap olardyŋ qūqyqtaryn şekteitının jetkızdı.
Mäjılıs deputaty Kazybek İsa da būl mäselege qatysty pıkır bıldırgen. Ol Azamattyq kodekstıŋ 17-babynda etnikalyq qazaqtardyŋ qazaq tılınen emtihan tapsyrudan bosatylatyny körsetılgenın aityp, pilottyq joba zaŋǧa qaişy keluı mümkın ekenın mälımdedı.
“Qytaidaǧy jäne basqa elderdegı qazaqtar basqa älıpbidı qoldanady. Sondyqtan olardan qazaq tılınen test talap etu qanşalyqty ädılettı?” - dedı deputat.
Öz kezegınde eŋbek jäne halyqty äleumettık qorǧau ministrınıŋ bırınşı orynbasary Erbol Tūiaqbaev būl talap äzırge tek pilottyq joba aiasynda engızılgenın aitty.
“Qandas Qazaqstanda ömır sürgısı kelse, kündelıktı ömırde oiyn erkın jetkıze aluy qajet. Sondyqtan qazaq tılın bılu — mındettı talap. Būl — halyqaralyq täjıribe”, - dedı Tūiaqbaev.
