Qazaqstan polisiiasy Resei prezidentı Vladimir Putinnıŋ elge sapary qarsaŋynda respublikaǧa qatysty pıkır bıldırgen belsendı Marat Janūzaqovtyŋ äleumettık jelıdegı jazbasyna qatysty äreket ettı. Er adam ūstalyp, tek tünde ǧana bosatylǧanyn özı Facebook paraqşasynda jazda, dep habarlaidy "Adyrna".
Janūzaqov Qazaqstan jäne Ukraina tularymen tüsırılgen foto jariialap, plakatta: «Qazaqstannan ket! Slava Ukraine!» degen jazba körsetken. Būl aksiianyŋ naqty kımge baǧyttalǧany resmi türde körsetılmegenımen, onyŋ Putinnıŋ Astanaǧa saparyna orai jasalǧany baiqalady.
Sol künı Janūzaqovtyŋ qyzy äkesın polisiia ūstap äketkenın habarlaǧan. Keiın tünde belsendı üiıne jıberılgenın jazdy. Onyŋ aituynşa, qūqyq qorǧau organdary dauly jazbany öşırudı sūraǧan, alaida ol «oilanatynyn» aitqan.
Jaŋalyq jariialanǧan sätte būl jazba Marat Janūzaqovtyŋ Facebook paraqşasynda älı de bolǧan.
«Azattyq Aziia» deregınşe, Janūzaqov būǧan deiın de saiasi ūstanymy üşın ūstalǧan. 2024 jylǧy 27 qaraşada Putinnıŋ Qazaqstanǧa sapary kezınde ol serıktesterımen bırge Qazaqstan jäne Ukraina tulary bar plakat ūstap şyqqan.
Sol kezde sot plakattaǧy jazbany qoǧamdyq orynda balaǧat söz dep tanyp, belsendılerdı ūsaq būzaqylyq boiynşa kınälı dep tauyp, ärqaisysyna 20 AEK kölemınde aiyppūl salǧan.
