Kúzetshini óltirgen azamattyń týystary marqumnyń otbasyna aqsha usynǵan, dep habarlaıdy "Adyrna" tilshisi KTK telearnasyna siltep.
Marqumnyń týystary kúdiktiniń jaqyndary bolǵan jaıtqa ókinetinin aıtyp, keshirim surap kelgenin aıtady. Biraq týystar kúdiktige keshirim bermeıtinin aıtyp, aqsha almaıtynyn jetkizdi.
Nurbol Qaıypbaev qyzmettik ornynda aıaýsyzdyq soqqyǵa jyǵylyp, kóz jumǵan. Marqumdy úsh balasy men týǵan-týysy aqtyq saparǵa shyǵaryp salǵan.
Janaza kezinde kúdiktiniń týystary qara jamylǵan otbasyǵa aqsha usynǵan kórinedi.
“Aldymyzdan ótti, "keshirińizder" dep, biraq keshirim bolmaıdy dedik, sot bolady. Ádil sot bolǵanyn qalaımyz dedik. Jeńgeme "maǵan nómirin ber, aqsha salyp jibereıin" deıdi. Ondaı kómek kerek emes dedim, eshqandaı kómek kerek emes. Eldiń bári, búkil Qazaqstan bolyp jınap jatyr. "Keshirim bolmaıdy" dedim, boldy”, – deıdi marqumnyń inisi Rýslan Qaıypbaev.
«Merkýr Taýn» turǵyn úı kesheninde naýryzdyń 28-inen 29-yna aýǵan túni 2:30 shamasynda bolǵan.
Kúdiktiniń de uzaq jyldar boıy ata-anasymen birge osy turǵyn úı kesheninde turatyny aıtylady. Oqıǵany turǵyn úı kesheni turǵyndary vıdeoǵa da túsirgen. Taraǵan vıdeolarda kúdiktiniń kúzetshini birneshe márte krossover kólikpen janshyp, ol qansyrap jatqanda aıaq-qolmen taǵy da uryp, sońynan kólikti turaqqa qoıǵany túsirilgen. Oqıǵanyń basynda kúzetshiniń shlagbaýmdy japqany baıqalady.
