Qazaqstanda qai öŋırdıŋ qyzmetkerlerı eŋ köp jalaqy alatyny anyqtaldy, dep habarlaidy "Adyrna" ūlttyq portaly.
QR Ūlttyq statistika biurosynda 2024 jyldyŋ 3 mausymynda 2023 jylǧy elımızdegı eŋbek boiynşa negızgı körsetkışter turaly aqparat jariialandy.
Biuro mälımetınşe, ötken jyldyŋ qorytyndysy boiynşa Qazaqstanda ortaşa jalaqy kölemı 364 295 teŋgenı qūraǧan. 2023 jylǧy körsetkış aldyŋǧy jylmen salystyrǧanda 17,6%-ǧa artyq ekenı anyqtalyp otyr.
Aita keteiık, 2024 jylǧy 1 qaŋtardan bastap eŋ tömengı jalaqy 85 000 teŋge mölşerınde belgılengen bolatyn.
Al 2023 jyly öŋırlık bölınıste eŋ joǧarǧy ortaşa ailyq jalaqy - Atyrau oblysynda. Būl aimaqta azamattardyŋ eŋ joǧarǧy jalaqysy - 607 635 teŋge. Jalaqysy joǧary öŋırler qatarynda ekınşı orynǧa Maŋǧystau oblysy jaiǧasqan. Mūnda ailyq mölşerı – 535 156 teŋge. Al Ūlytau oblysynda joǧarǧy jalaqy 483 812 teŋgenı qūrap, Qazaqstan boiynşa üştıkke engen.
Eŋ tömengı jalaqy alatyn öŋırler qatarynda 4 oblys bar. Biuro deregınde, Soltüstık Qazaqstan oblysynda halyqtyŋ eŋ tömengı jalaqysy - 262 248 teŋge dep körsetılgen. Jambyl oblysynda – 269 125 teŋge, Jetısu oblysynda – 269 378 teŋge, Türkıstan oblysynda – 270 660 teŋge qūrap tūr.
"Salalyq qūrylymda eŋ joǧary atauly jalaqy tau-ken öndıru önerkäsıbınde jäne karerlerdı qazuda –ortaşa respublikalyq deŋgeiden 2,1 ese joǧary, qarjy jäne saqtandyru qyzmetınde – 1,9 ese, aqparat jäne bailanys salasynda – tiısınşe 1,6 ese", delıngen Ūlttyq biuro esebınde.
Ūqsas jaŋalyqtar
