«Jıbek joly» jäne «Atameken» keden beketterınde Qazaqstan, Resei, Täjıkstan azamattaryna äkımşılık ıs qozǧaldy. Būl turaly Türkıstan oblysy boiynşa memlekettık kırıster departamentı mälımdedı, dep habarlaidy “Adyrna” ūlttyq portaly.
Departamenttıŋ mälımetınşe, olar Qazaqstan zaŋnamasyndaǧy qolma-qol aqşany alyp ketuge qoiylǧan şekteudı būzbaq bolǧan.
«6 mauysymda «Jıbek joly» keden beketı arqyly Özbekstan baǧytyndaǧy jolauşylar terminalynda qoljügın rentgen-televiziondyq qūrylǧy arqyly tekseru kezınde, Täjıkstan azamatynan kedendık deklarasiiada körsetılmegen qolma-qol 19 500 AQŞ dollary anyqtaldy. Oǧan ÄQBK-nıŋ 545-baby boiynşa ıs qozǧaldy», - dep jazdy vedomstvodan.Osyǧan deiın, 18 mamyrda «Atameken» keden beketınde özımen bırge 10 myŋ dollar, 82 500 teŋge jäne 1 798 000 özbek somyn alyp ötpek bolǧan Qazaqstan azamaty ūstalǧan. Oǧan keden beketı men ŪQK şekara qyzmetkerlerı bırlesıp tosqauyl qoidy. Būl derek boiynşa jinaqtalǧan äkımşılık ıs Maqtaaral audandyq sotyna joldandy. Türkıstan oblysy boiynşa memlekettık kırıster departamentı 20 mamyry künı osy keden beketınde oryn alǧan oqiǧany da mälımdedı. Kedendık baqylau kezınde Resei azamaty özımen bırge 13 800 AQŞ dollary men 88 000 teŋgenı Özbekstanǧa alyp ötu barysynda anyqtalǧan. Is Maqtaaral audandyq sotyna joldandy.
”Adyrna” ūlttyq portaly
Ūqsas jaŋalyqtar
