Jaŋaarqa audanynyŋ äkımı "Adyrna" ūlttyq portalynyŋ äleumettık jelıdegı paraqşasynda jariialanǧan jazbaǧa jauap berdı.
"Adyrna" portalynyŋ Instagram äleumettık jelısındegı paraqşasynda Erlan Töleutaidyŋ "Jaŋaarqada sūrapyl jūt bolyp jatyr" degen jazbasy jariialanǧan bolatyn. Sol jazbaǧa Ūlytau oblysy Jaŋaarqa audanynyŋ äkımı Qanat Qojyqaev jauap berdı.
"Elde – Jaŋaarqada jürmın. Arqada, onyŋ ışınde Jaŋaarqa audanynda qūlaq estıp, köz körmegen (men tuǧaly) jūt bolyp jatyr, aǧaiyn. Keşe özım ösıp, erjetken Jaŋaarqa audany, Baidaly bi auylynda bolyp, öz közımmen kördım, jylqy jaryqtyq qyrylyp jatyr, qyrylmaǧany äbden aryp, tulaqqa ainalǧan.Türtıp qalsaŋ – qūlaǧaly tūr. Qūlaǧany tūrmaidy – pyşaqqa ılınedı. Bieler tegıs qūlyn tastaǧan. Tūtas üiırler joǧalyp, ız-tüssız ketken. Mal baqqan, onyŋ sümesıne qarap otyrǧan eldıŋ eŋsesı tüsıŋkı. Jem-şöp jetpeidı. Jylqy qolǧa qaraǧan soŋ – eldıŋ şöbı tügesıluge taiau", - degen Erlan Töleutaidyŋ jazbasy apatty jaǧdaidan habar beretın edı.Jelıdegı sol jazbaǧa Ūlytau oblysy Jaŋaarqa audanynyŋ äkımı Qanat Qojyqaev bylai jauap berdı.
"Jaŋaarqa audanyndaǧy jylqy malyna bailanysty oryn alyp jatqan jaǧdaiǧa alaŋdatuşylyq tanytqan köptegen azamat öz pıkırlerın jazuda. Eŋ aldymen, osyndai jaǧdaida tysqary qalmai, elge janaşyrlyq bıldırgen jandarǧa rizaşylyǧymyzdy bıldıremız. Qys soŋynda oryn alǧan qiynşylyqtarmen tolyq tanyspyz. Būl baǧytta audandyq ştab qūrylyp, tiıstı mekemeler, kent, auyldyq okrug äkımderı men käsıporyndarmen, käsıpkerlermen bırlesken şaralar qolǧa alynuda. Şyǧynǧa ūşyraǧan mal sanyn anyqtau, şarua qojalyqtaryna jylqylardy tiıstı oryndarǧa jetkızıp alu üşın materialdyq-tehnikalyq kömek körsetu, jem-şöp baǧasyn tūraqty ūstap tūru jūmystary jürgızılude. Qazırgı uaqytta dalada tabylǧan jylqylardyŋ ielerı anyqtalmauda. Özıŋız köterıp otyrǧan mäsele - Keŋestık kezeŋde osyndai jaǧdaida memleket tarapynan ülken küş salynǧany ras. Degenmen, ol uaqytta mal tolyǧymen memlekettık menşıkte, iaǧni, ortanyŋ maly bolyp tabyldy. Soǧan säikes, tiıstı şaralar qabyldandy. Qazırgı jaǧdai müldem bölek. Jylqy maly tolyq jeke menşık ielerınde. Sondyqtan, olardy bazaǧa tırkeu, jem-şöp qoryn daiarlau, olardyŋ baǧyluyn ūiymdastyru memlekettık organ qūzyretıne kırmeidı. Jem-şöp şyǧynyn qaitaru üşın memleket tarapynan berıletın subsidiiaǧa da ärkım arnaiy jüiege (bazaǧa) kırıp, elektrondy qol qoiu arqyly, jergılıktı äkımdıktıŋ qatysuynsyz sūranys bere alady", - dep jazdy äkım.Sonymen qatar, äkım şöptıŋ tonnasynyŋ baǧasy 120 myŋ degen derek negızsız ekenın aitty.
"Qyzylorda men Şymkent jaqtan joŋyşqa jetkızılıp, satyluda. Audan ışınde şöp qory bar, şaruaşylyqtar tonnasyn 35-60 myŋ aralyǧynda satuda. Kebek qory jetkılıktı. Olar är punktte qaby 1350 -1450 teŋgeden satyluda. Audan äkımdıgı jem-şöp baǧasyn kötermeu üşın käsıpkerlermen kelısımge kelu jūmystaryn jürgızıp jatyr. Jalpy, Jaŋaarqa audanynda agroönerkäsıptık keşenınde 12- JŞS, 987 şarua qojalyqtary jūmys jasaidy. 2023 jyly oblys äkımdıgınıŋ qaulysymen bekıtken erejesıne saikes, talapqa sai keletın şarua qojalyqtaryna oblystyq biudjet esebınen audanymyzdyŋ 584 şarua qojalyǧyna jem-şöp şyǧynyn öteu üşın barlyǧy 749 mln. 294 myŋ teŋge kölemınde subsidiia berıldı. Jaŋaarqa audanynda qarasty şarua qojalyqtaryna subsidiia ülestırudı Ūlytau oblysynyŋ auyl şaruaşylyq basqarmasy jüzege asyrady. Ol üşın EGov elektrondy ükımet portaly arqyly ötınım beruge bolady", - dep kommentarii jazdy äkım Qanat Qojyqaev.
Ūqsas jaŋalyqtar
