Bilim berýde jańa ıfrlyq tehnologııalardy engizý - Qaraǵandy oblysy pedagogteriniń tamyz keńesiniń basty taqyryby. Dástúr boıynsha ótken oqý jylyndaǵy óńirlik bilim berý júıesiniń jumysy qorytyndylanyp, jańa oqý jylyndaǵy strategııalyq baǵyttar aıqyndaldy.
Keńes ótken S. Seıfýllın teatrynyń foıesinde ıfrlyq kórme uıymdastyryldy.
Bıyl Qaraǵandy oblysynda bilim berý salasyna bıýdjettiń 47%-ǵa jýyǵy bólingen eken. El Prezıdentiniń tapsyrmasy boıynsha sońǵy 5 jylda muǵalimderdiń jalaqysy eki esege artty.
Mektepter josparly túrde jańǵyrtylyp, jańa oqý oryndary jóndelip, salynýda. Jyl sońyna deıin Buqar Jyraý jáne Qarqaraly aýdandarynda apatty mektepterdiń ornyna eki jańa mektep salynady. Bıylǵy oqý jylynda oblysta 12 jańa mektep esigin aıqara ashady, onyń 10-y jaıly mektep. 2025 jylǵa deıin taǵy 20 mektep salynady, onyń 18-i "Jaıly mektep" Ulttyq jobasynyń standarttaryna sáıkes keledi.
Materıaldyq-tehnıkalyq baza nyǵaıtylýda. Oblys mektepteriniń 80 %-y zamanaýı pándik kabınettermen qamtamasyz etilgen.
Ótken oqý jylynda bizdiń oqýshylar qazaqstandyq bilim berýdiń joǵary halyqaralyq ımıdjin rastap, halyqaralyq olımpıadalar men ǵylymı jarystarda 26 medal jeńip aldy, bul ótken oqý jylymen salystyrǵanda 8-ge artyq.
Qosymsha bilim berý men shyǵarmashylyq damýǵa qarajat bólinedi. Bıyl Prıshahtınskide jańa "Káýsar" oqýshylar saraıy ashyldy. Dál osyndaı saraı bıyl Maıqudyqta salynady.
Keńeste sóz sóılegen Qaraǵandy oblysynyń ákimi Ermaǵanbet Bólekpaev bilim berý qyzmetkerleriniń el bolashaǵyna qosqan zor úlesin atap ótti.
– Biz balalar men jastardyń jan-jaqty damýy úshin qolaıly jaǵdaı jasaýǵa tyrysamyz. Biraq bilim berý proesiniń sapasy jáne bizdiń óńirimiz ben elimizdiń bolashaǵyna qosqan úlesimiz sizderge baılanysty. Qurmetti ustazdarymyz, bizdiń aldymyzda mańyzdy mindetter tur, biraq biz barlyǵyn birge jeńe alatynymyzǵa senimdimin. Bul oqý jyly barlyq jetistikter, bıik belester men jańa kókjıekter jyly bolsyn! – dep óńir basshysy qaraǵandylyq pedagogtarǵa tilek bildirdi.
Dástúr boıynsha keńes barysynda pedagogtarǵa Y. Altynsarın atyndaǵy, "Bilim berý isiniń qurmetti qyzmetkeri", Eńbek ardageri" tósbelnileri, sondaı-aq QR Aǵartý mınıstriniń qurmet gramotalary tabystaldy.
– Men 40 jyl úzdiksiz sabaq berip kelemin: Jańajol aýylynda 31 jyl jumys istedim jáne sońǵy 9 jyl Qarqaralyda eńbek etemin. Muǵalim mamandyǵyn ózim tańdadym. Meniń eńbegimdi baǵalap, "Eńbek ardageri" tósbelgisin tabystaǵanyna rızamyn, – dep bólisti Qarqaraly aýdany O. Jáýtikov atyndaǵy № 1 mekteptiń matematıka pániniń muǵalimi Darıǵa Turǵambaeva.
