Búgin 1929 jyly 16 jeltoqsanda dúnıege kelgen Bıbigúl Tólegenova 94 jasqa toldy. Tanymal ánshi týǵan kúninde óz izgi nıetin bildirdi.
«Barshańyzǵa zor densaýlyq, baqyt, shańyraqtaryńyzǵa amandyq, tóbemizde taza, ashyq aspan, tynyshtyq, jan dúnıemizde búgingi qardaı qýanysh pen nur bolýyn tileımin. Táýelsizdik kúni - Qazaqstan úshin óte úlken mereke. Osy kúni bárimizdiń densaýlyǵymyz úshin tost kóterýlerińiz kerek dep oılaımyn», - dedi týǵan kún ıesi.
Bıbigúl Ahmetqyzy óziniń 70 jyldan asa shyǵarmashylyq jolynda júzdegen operalyq partııalardy oryndap, «Dala qyzy», «Bizdiń súıikti dáriger», «Bul Shuǵylada bolǵan», «Taqııaly perishte» fılmderinde ózindik beıneler jasaǵan, al aty ańyzǵa aınalǵan ánshiniń oryndaýyndaǵy «Bulbul» áni dúnıejúzindegi ónersúıer qaýymnyń esinen máńgi umytylmas.
1958 jyly Moskva qalasynda qazaq óneriniń onkúndiginde ánshilik bıiginen kórinip, sol joly Qazaq SSR halyq artısi atanady. Ánshi Lenın ordeni men Eńbek Qyzyl Tý ordenimen, medaldarmen marapattalǵan. Qazaqstan Memlekettik syılyǵynyń laýreaty (1966), SSSR halyq artısi (1967).
Búgingi kúnge deıin Bıbigúl Tólegenova atyndaǵy 11 halyqaralyq vokaldyq baıqaý ótkizilip, ondaǵan ónerpazdyń órkendeýine serpin berip, álemdik arenaǵa joldama berildi.
«Adyrna» ulttyq portaly
