Türkıstan oblysynda jas jıgıttıŋ ölımıne bailanysty qylmystyq ıs qozǧalyp, küdıktı retınde 9-synyp oquşysy ūstaldy. Būl turaly oblystyq polisiia departamentı mälımdedı, dep habarlaidy "Adyrna".
Äleumettık jelılerde Tölebi audanynyŋ Lengır qalasyndaǧy qarausyz qalǧan ǧimarattardyŋ bırınen 20 jastan asqan er adamnyŋ mäiıtı tabylǧany turaly aqparat taraǧan. Oqiǧa 24 mamyr künı bolǧan.
Aldyn ala mälımetterge säikes, qaza tapqan azamat Şymkent qalasynyŋ tūrǧyny bolǧan. Qylmysqa küdıktı retınde Tölebi audanyndaǧy Şoqan Uälihanov atyndaǧy №16 mekteptıŋ 9-synyp tülegı atalǧan.
Osyǧan bailanysty Türkıstan oblystyq Polisiia departamentı resmi tüsınıkteme berdı.
"Adam öltıru faktısı boiynşa sotqa deiıngı tergeu amaldary bastaldy. Küdıktı ūstaldy jäne uaqytşa ūstau izoliatoryna qamaldy.Qazırgı uaqytta barlyq män-jailardy anyqtauǧa baǧyttalǧan qajettı ıs-şaralar jürgızılude.QR Qylmystyq-prosestık kodeksınıŋ 201-babyna säikes özge de aqparat jariialauǧa jatpaidy",– dep mälımdedı Türkıstan oblysy Polisiia departamentınıŋ baspasöz qyzmetı.
Aita keteiık, qylmystyq ıs boiynşa tergeu jalǧasyp jatyr. Qūqyq qorǧau organdary oqiǧanyŋ sebepterı men barlyq män-jaiyn anyqtauda. Tergeu müddesıne bailanysty äzırge qosymşa aqparat jariialanǧan joq.
