Ádebıette aty altyn árippen jazylǵan ataqty jazýshy Ábish Kekilbaıdyń búgin — týǵan kúni. Ol 1939 jyly 6 jeltoqsan kúni Mańǵystaý oblysy, Mańǵystaý aýdany (burynǵy Gýrev oblysy), Ońdy aýylynyń Myrzaıyr degen jerinde dúnıege kelgen.
Ataqty qalamgerdiń ádebıetke qumarlyǵy mektep qabyrǵasynda bastalady. 1957 jyly 5 mamyr «Lenınshil Jastyń» belsendi aýyldyq tilshisi retinde Qazaqstan Komsomoly Ortalyq Komıtetiniń maqtaý qaǵazymen marapattalady.
1957 jyly Qazaq Memlekettik Ýnıversıtetiniń fılologııa fakýltetine túsedi. Ýnıversıtette ádebıet birlestigin basqaryp, jas talaptar shoǵyryn jaryqqa shyǵarady. Sońǵy kýrsta oqyp júrip, «Qazaq ádebıeti» gazetinde qyzmet atqarady. Munda ol synshylyq qabiletimen kózge túsedi. «Qazaq ádebıetinen» keıin 1962-65 jyldar aralyǵynda «Lenınshil Jas» gazetinde bólim meńgerýshisi bolyp istedi.
Ábish Kekilbaıulynyń alǵashqy óleńder jınaǵy «Altyn shýaq» 1962 jyly, «Bir shókim bult» 1965 jyly jaryq kórdi.
Sondaı-aq, Qazaqstan Respýblıkasynyń 20 jyldyǵyna baılanysty "Qazaqfılm" tarapynan rejıser Jańabek Jetirýdyń "Ábish Kekilbaev álemi" atty fılmi jaryq kórgen bolatyn.
Ábish Kekilbaıuly 2015 jyldyń 11 jeltoqsanynda dúnıeden ótti. Múrdesi ulttyq panteonǵa jerlendi.
