Ädebiette aty altyn ärıppen jazylǧan ataqty jazuşy Äbış Kekılbaidyŋ bügın — tuǧan künı. Ol 1939 jyly 6 jeltoqsan künı Maŋǧystau oblysy, Maŋǧystau audany (būrynǧy Gurev oblysy), Oŋdy auylynyŋ Myrzaiyr degen jerınde düniege kelgen.
Ataqty qalamgerdıŋ ädebietke qūmarlyǧy mektep qabyrǧasynda bastalady. 1957 jyly 5 mamyr «Leninşıl Jastyŋ» belsendı auyldyq tılşısı retınde Qazaqstan Komsomoly Ortalyq Komitetınıŋ maqtau qaǧazymen marapattalady.
1957 jyly Qazaq Memlekettık Universitetınıŋ filologiia fakultetıne tüsedı. Universitette ädebiet bırlestıgın basqaryp, jas talaptar şoǧyryn jaryqqa şyǧarady. Soŋǧy kursta oqyp jürıp, «Qazaq ädebietı» gazetınde qyzmet atqarady. Mūnda ol synşylyq qabıletımen közge tüsedı. «Qazaq ädebietınen» keiın 1962-65 jyldar aralyǧynda «Leninşıl Jas» gazetınde bölım meŋgeruşısı bolyp ıstedı.
Äbış Kekılbaiūlynyŋ alǧaşqy öleŋder jinaǧy «Altyn şuaq» 1962 jyly, «Bır şökım būlt» 1965 jyly jaryq kördı.
Sondai-aq, Qazaqstan Respublikasynyŋ 20 jyldyǧyna bailanysty "Qazaqfilm" tarapynan rejiser Jaŋabek Jetırudyŋ "Äbış Kekılbaev älemı" atty filmı jaryq körgen bolatyn.
Äbış Kekılbaiūly 2015 jyldyŋ 11 jeltoqsanynda dünieden öttı. Mürdesı ūlttyq panteonǧa jerlendı.
Ūqsas jaŋalyqtar
