Memleket basshysy Qasym-Jomart Toqaevty birqatar elderdiń prezıdentteri mereıtoıymen quttyqtady, dep jazady "Adyrna" tilshisi.
Telefon arqyly Qasym-Jomart Toqaevty 70 jasqa tolǵan týǵan kúnimen Reseı Prezıdenti Vladımır Pýtın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Ázirbaıjan Prezıdenti Ilham Álıev, Belarýs Prezıdenti Aleksandr Lýkashenko jáne Birikken Arab Ámirlikteriniń prezıdenti sheıh Muhammed ben Zaıd Ál Nahaıan quttyqtady.
Memleket basshylary Qasym-Jomart Toqaevty týǵan kúnimen quttyqtap, oǵan Qazaqstan halqynyń ıgiligi jolyndaǵy jaýapty memlekettik qyzmetinde odan ári tabys tiledi.
Sonymen qatar, Toqaevtyń atyna shet memleketter men úkimet basshylarynan, parlament spıkerlerinen, halyqaralyq uıymdar basshylarynan, dıplomatııalyq mıssııalar men isker toptardan jedelhattar kelip tústi.
Quttyqtaý jedelhatyn QHR tóraǵasy Sı zınpın, Túrkııa prezıdenti Rejep Taıyp Erdoǵan, Qyrǵyzstan prezıdenti Sadyr Japarov, Túrkimenstan prezıdenti Serdar Berdimuhamedov, Armenııa premer-mınıstri Nıkol Pashınıan, Italııa prezıdenti Serdjıo Mattarella, Serbııa prezıdenti Aleksandr Výchıch, Vengrııa prezıdenti Katalın Novak jáne Vengrııa premer-mınıstri Vıktor Orban joldady. Bolgarııa prezıdenti Rýmen Radev, Albanııa prezıdenti Baıram Begaı, Sıngapýr prezıdenti Halıma Iakob, ShYU Bas hatshysy Chjan Mın, TMD Bas hatshysy Sergeı Lebedev jáne t.b. prezıdentimizdiń týǵan kúnin eleýsiz qaldyrmady.
Qasym-Jomart Toqaevtyń mereıtoıymen quttyqtaǵandar qatarynda qazaqstandyqtar, Qazaqstannyń kórnekti saıası jáne qoǵam qaıratkerleri, ǵylymı jáne shyǵarmashylyq zııaly qaýym ókilderi jáne basqa da kóptegen jedelhattar da bar.
Buǵan deıin Toqaev óziniń 70 jyldyq mereıtoıyn prınıpti túrde atap ótýdi josparlamaǵanyn memleket basshysynyń baspasóz hatshysy Rýslan Jeldibaı habarlaǵan bolatyn.
Al búgin ol óziniń týǵan kúninde Qytaıǵa saparǵa attandy. Kórshi el Toqaevty saltanatty túrde qarsy aldy.
Toqaev QHR Tóraǵasy Sı zınpınmen kelissózder júrgizip, strategııalyq seriktestikti odan ári nyǵaıtý, saýda-ekonomıkalyq, ınvestıııalyq, kólik-logıstıka jáne energetıka salalaryndaǵy yntymaqtastyqty keńeıtý, sondaı-aq mádenı-gýmanıtarlyq baılanystardy tereńdetý máselelerin talqylaıdy dep josparlanýda.
18 mamyrda Memleket basshysy Qytaıdyń iri kompanııalarynyń basshylarymen kezdesip, memlekettik saparlar baǵdarlamasy aıasynda birqatar is-sharalar ótkizedi, sondaı-aq qurǵaq portta qazaqstandyq logıstıkalyq ortalyq qurylysynyń iske qosylý saltanatyna qatysady.
19 mamyrda Memleket basshysy Ortalyq Azııa-Qytaı sammıtine qatysady. Sondaı-aq Sıan qalasyndaǵy elimizdiń Bas konsýldyǵynyń saltanatty ashylýyna qatysý josparlanýda.
"Adyrna" ulttyq portaly
