Baiqoŋyr ǧaryş ailaǧy Qazaqstan men Reseidıŋ halyqaralyq ǧaryş naryǧyndaǧy ornyn nyǧaituǧa mümkındık beredı, dep habarlaidy "Adyrna" ūlttyq portaly.
Būl turaly Qasym-Jomart Toqaev Resei prezidentı Vladimir Putinnıŋ memlekettık sapary aiasynda mälımdedı.
Memleket basşysy ǧaryş salasyndaǧy yntymaqtastyq ekı el arasyndaǧy perspektivaly baǧyttardyŋ bırı bolyp qala beretının atap öttı.
"Baiqoŋyr ǧaryş ailaǧy köptegen jyl boiy jemıstı ǧylymi-tehnikalyq ärıptestıktıŋ jarqyn simvoly bolyp keledı. «Bäiterek» bırlesken jobasyn jüzege asyru, sonyŋ ışınde jaŋa «Sūŋqar/Soyuz-5» zymyran tasyǧyşynyŋ juyrdaǧy sättı ūşyrylymy elderımızdıŋ halyqaralyq ǧaryş qyzmetterı naryǧyndaǧy ornyn nyǧaituǧa jaŋa mümkındıkter aşady", — dedı Prezident.
Aita keteiık, 27–29 mamyr aralyǧynda Vladimir Putinnıŋ Qazaqstanǧa memlekettık sapary ötıp jatyr.
