Búgin – memleket jáne qoǵam qaıratkeri, ekonomıka ǵylymdarynyń doktory, professor Serikbolsyn Ábdildınniń (1937-2019) týǵan kúni.
Serikbolsyn Ábdildın 1937 jylǵy 25 qarashada Shyǵys Qazaqstan oblysy, qazirgi Tarbaǵataı aýdany Qyzyljuldyz aýylynda týǵan.
Qoǵam qaıratkeri, ekonomıka ǵylymdarynyń doktory, professor. (1986). 1982 – 1985 j. Qazaq KSR Aýyl sharýashylyǵy mınıstriniń birinshi orynbasary, 1985 jyly AÓK-ni basqarý jónindegi Respýblıkalyq Joǵary mekteptiń rektory, 1986 – 1987 jyly Qazaqstan Aýyl sharýashylyǵy mınıstri, 1990-1995 jyly Qazaq KSR Joǵary Keńesiniń Tóraǵasy.
Serikbolsyn Ábdildın 1967 jyldan bastap kóp ýaqyt Qazaq SSR josparlaý komıtetinde jumys istegen, aýyl sharýashylyǵy mınıstrliginde basshy qyzmetter atqardy, Qazaq SSR mınıstrler keńesiniń Máskeýdegi ókili boldy.
1990 jyly on ekinshi shaqyrylymdaǵy Qazaq SSR Joǵarǵy Keńesiniń depýtaty bolyp saılanǵan. Keıin Joǵarǵy Keńes tóraǵasynyń orynbasary, al 1991–1993 jyldar aralyǵynda Joǵarǵy Keńes taratylǵanǵa deıin onyń tóraǵasy boldy. Ábdildın basqarǵan jylda, 1991 jyly 16 jeltoqsanda Joǵarǵy Keńes «Qazaqstannyń memlekettik táýelsizdigi týraly» deklaraııany qabyldady.
Bılikten ketken soń Ábdildın Qazaqstan kommýnıstik partııasy tóraǵasy bolyp saılanyp, 14 jyl oppozıııalyq uıymdy basqardy. 1999 jyly 10 qańtarda kezekten tys ótken prezıdent saılaýynda Nazarbaevpen birge kandıdat retinde qatysty.
Serikbolsyn Ábdildın 2019 jyly 31 jeltoqsanda 82 jastan asqan shaǵynda Almatyda dúnıeden ótti.
«Adyrna» ulttyq portaly
