Bır top ziialy qauym ökılı Mäjılıs deputattaryna memlekettık tılde zaŋjoba äzırleu boiynşa ūsynys-ündeu joldady, dep habarlaidy «Adyrna» tılşısı.
Aitularynşa, elde memlekettık tılde zaŋjoba äzırleudıŋ tetıgı joq.
«Qūrmettı Mäjılıs deputattary! Sızderdıŋ barlyǧyŋyz da memlekettık tılde zaŋjoba jasaudy qoldaisyzdar jäne būl mäselenı köpşılıgıŋız sailaualdy baǧdarlamalaryŋyzǧa da arqau ettıŋızder. Alaida, būl tüitkıldı şeşuge älı künge bastapqy qadam da bolmai otyr. Öitkenı, qazaq tılınde zaŋjobany da, ırılı-ūsaqty normativtık akt qūjattaryn jasaqtauǧa da alǧyşart jasalmauda. Atap aitqanda, Ükımette de, Parlament apparatynda da zaŋjoba äzırleuge degen eşbır ǧylymi-intellektualdyq resurs jasaqtalmaǧan. Ondai äleuetsız joǧary deŋgeilı memlekettık märtebelı qūjattardyŋ jobasyn äzırleu müldem mümkın emes. Memlekettık organdardaǧy audarma bölımderı ǧylymi-lingvistikalyq jäne zaŋdamalyq mazmūndaǧy eşbır qūzyr pen qūzyretke de, resursqa da ie bola almai keledı.
QR Ükımetı janyndaǧy Memlekettık terminologiialyq komissiianyŋ şyn mänınde qoǧamdyq sipaty basym, anda-sanda bas qosyp, daiyndalǧan terminder tızbegın bekıtetın resmi-qoǧamdyq alqa ǧana. Tıptı elımızdegı Ahmet Baitūrsynūly atyndaǧy ırgelı lingvistika mäselelerımen ainalysatyn Tıl bılımı institutynda da praktikalyq ömırşeŋ lingvistikalyq talaptardyŋ şeşımın tabuǧa mümkındık pen resurs qarastyrylmaǧany ras bolsa, al Şaisūltan Şaiahmetov atyndaǧy ūlttyq
Olar būl tüitkıldı şeşu üşın Qūqyqtyq-Lingvistikalyq ortalyǧyn qūru kerek dep esepteidı.
«Parlament apparaty janyndaǧy Audarma bölımınıŋ negızınde Memlekettık tıldegı normativ aktılerın äzırleudıŋ Qūqyqtyq-Lingvistikalyq ortalyǧyn qūru kerek. Būndai ortalyqta Terminologiia men leksikologiia, auyzekı jäne jazbaşa audarma, zaŋdamalyq redaksiia bölımderı aşyluy qajet.Būl ūsynysty bıldıre otyryp, juyq arada osy taqyrypqa arnalǧan Parlamentte qoǧamdyq tyŋdalym ötkızgen maqūl jäne kelesı jylǧy memlekettık biudjetke atalmyş organdy qūru boiynşa naqty joba äzırlengenı abzal degen ūsynym qylamyz.
Ūsynys bıldıruşıler:
Serık Erǧali Äbdıreşūly, Halyqaralyq «Qazaq tılı» qoǧamy Ortalyq Keŋesınıŋ müşesı;
Erjan Zemfira Melsqyzy, önertanuşy, äleumettık ǧylymdar magistrı;
Bäkırūly Äbdıraşit, filosof ǧalym, publisist;
Q.S.Qalybaeva, Abai atyndaǧy QazŪPU-dyŋ professory. Filologiia ǧylymdarynyŋ doktory;
Borbasova Qarlyǧaş Moldaǧaliqyzy, Äl-Faribi atyndaǧy QazŪU professory, filosofiia ǧylymdarynyŋ doktory;
Larisa Aldabergen, Halyqaralyq "Qazaq tılı" qoǧamy astanalyq filial basşysy»,—dedı ziialy top.
