«Qazaq media assosiasiiasy» «Adyrna» portalyna qatysty ündeu jasady

Ökınışke qarai, soŋǧy uaqytta BAQ jäne jurnalistterge türlı därejede qysym jasau, zaŋdy qyzmetıne kedergı keltıru jäne ärqily negızde sotqa tartu, polisiiaǧa aryzdanu örşıp tūr. QR Konstitusiiasynda baspasöz bostandyǧyna kepıldık berılgenımen sol bostandyqty qarsy şabuyldar tolastar emes. «Ärine, är azamattyŋ pıkırın aituǧa, özın qorǧauǧa jäne qajet bolǧanda sotqa jügınuge qūqyly ekenı ras. Alaida soŋǧy kezderı bärıne BAQ-ty nemese jurnalistı kınälı etıp şyǧaruǧa talpynatyn ıster köbeiıp kettı. Qandai da bır dauda BAQ turaly zaŋda körsetılgen talaptardy redaksiialar saqtaǧanymen qarsy taraptar oǧan toqtamai qalai da BAQ pen jurnalistı sotqa süirep, öş alu sipatyndaǧy äreketterge baryp jatqany media qauymdastyqty ǧana emes, tūtas qoǧam men bilıktı alaŋdatuy tiıs ötkır mäsele dep bılemız. Sondyqtan da BAQ pen jurnaliske jasalatyn qysym men qudalaudyŋ jolyn qataŋ kesuge jäne mūndai är ıske qūzyrly jauapty organdardy mūqiiat nazar audaruǧa şaqyramyz. Kezektı qysym «Adyrna» ūlttyq portalyna jasalyp otyr. Atalǧan redaksiia ısıne qatysty aşyq ärı ädıl ıs-şaralardyŋ jede qabyldanyp, olardyŋ jūmysyna kedergı keltırıp otyrǧan äreketterge toqtau salynuyn talap etemız!», – delıngen ündeude.

ADYRNA ULLTYQ PORTALY Youtube arnasyna 2023 jyly 2 qaŋtar künı «Ǧalymjan Jaqiianovqa senıp edım» degen taqyrypta eks-deputat Tölen Toqtasynovtan alynǧan sūhbatty jariialaǧan.

Keiın Pavlodar oblysy men Semei qalasynyŋ eks-äkımı Ǧalymjan Jaqiianov 2023 jyly 17 tamyz künı Alatau audandyq sotyna «Adyrna» ūlttyq portaly men Tölen Toqtasynovtyŋ üstınen aryz tüsırdı. Bügınde osy sūhbat mäselesı boiynşa bırneşe aiǧa sozylǧan sot prosessı jalǧasuda. «2023 jyldyŋ 26 -şy aqpany künı saǧat 15:00-de Almaty qalasynyŋ Alatau audandyq sotynda osy ıs boiynşa qortyndy jaryssöz ötedı.

«Adyrna» ūlttyq portalynyŋ iutub arnasy jäne redaksiiasy Ǧalymjan Jaqiianovtyŋ ar-ojdany men bedelıne nūsqan keltıru, būrmalanǧan aqparat jariialaudy maqsat tūtpaǧan. Sūhbat barysynda tek jurnalist spikerge sūraq qoidy. Al sūhbat beruşı öz pıkırımen bölısken. Eşqandai özgerıssız, jalǧan aqparat qospai jariialandy. Jäne saiasatker Ǧalymjan Jaqiianov sūhbatqa şaqyrylyp, efirden oryn beruge daiyn ekenın «Adyrna» ūlttyq portaly bırneşe märte mälımdegen. Tıptı Tölen Toqtasynovpen bolǧan alǧaşqy sūhbat barysynda da Jaqiianovqa studiiaǧa kelıp, män-jaidy tüsındıru ūsynylǧan. Bıraq, Jaqiianov būl ūsynystan üzıldı-kesıldı bas tartty. Sonymen qatar, Ǧalymjan Jaqiianovtyŋ Feisbuktaǧy barlyq mälımdemelerın «Adyrna» ūlttyq portaly üzbei jariialap keledı. Iаǧni, beitaraptyq pozisiiany ūstanuda.

Redaksiia aqparat taratu täsılınıŋ dūrystyǧyna jäne eşkımnıŋ müddesıne qaişy äreket jasamaǧanyna senımdı jäne atalǧan ıstı BAQ-qa qysym jasau faktısı dep sanaidy. 2023 jyldyŋ 26 -şy aqpany künı saǧat 15:00-de Almaty qalasynyŋ Alatau audandyq sotynda (Janqoja batyr, 26/1) ötetın qortyndy jarys sözge (debat formatynda) barlyq BAQ ökılderın jäne qoǧam belsendılerın şaqyramyz! Ädıldıktı, şyndyqty, söz bostandyǧyn qoldauǧa kelıŋızder!», – delıngen ündeu mätınınde.