2023 jyldyŋ 5 qyrküiegı künı Adyrna ūlttyq portalynda "Atyrau äkımdıgı dın ısınde nege zaiyrlylyq tanytpaidy?" degen maqala jariialandy. Sol maqalada Konstitusiiamyz boiynşa memleketımızdıŋ eşqandai dınge basymdyq bermeitını, soǧan qaramai Atyrau oblysy Dın ısterı basqarmasy negızgı mındetınen auytqyp, «Azan» atty dıni baǧyttaǧy radio aşqaly jatqany turaly söz bolǧan edı. Adyrna portaly sol materialdy daiyndau barysynda tuyndaǧan saualdardy Dın ısterı basqarmasyna joldaǧan bolatyn. Olardan äleumettık jelıge sıltegen jauap keldı, dep habarlaidy «Adyrna» ūlttyq portaly.
«Adyrna» ūlttyq portalynyŋ saualdary mynandai bolǧan:
1. Konstitusiiada memleketımızdıŋ eşqandai dınge basymdyq bermeitını taiǧa taŋba basqandai jazylǧan. Memlekettık mekemenıŋ qarjylandyruymen "Azan" atty islam dıni negızındegı internet-radio aşu sol Ata-zaŋda körsetılgen zaiyrlylyq talaptaryn būzu emes pe?
2. Memlekettıŋ äleumettık tapsyrys aiasynda dın nasihattaityn radiony qarjylandyruy qanşalyqty zaŋdy?
3. Jat dıni aǧym ideologiiasyna qarsy immunitet qalyptastyru üşın būqaralyq aqparat qūralyn aşyp, dın men dästürdı sabaqtastyra nasihattau basqarmanyŋ qūzıretıne kıre me?
4. "Azan" degen dıni räsımge, atap aitqanda mūsylmandyqqa ǧana qatysty söz. Mūsylmandar namazǧa jamaǧatty şaqyru üşın azan aitady. Demek osy bır radioǧa atau bolǧan dıni sözden-aq oblystyq dın ısterı basqarmasynyŋ memlekettık zaiyrlylyq ūstanymyn aiaq asty etıp otyrǧan joq pa?
Tört saualǧa da zaŋdyq negızge süienıp, jauap jazyluy kerek edı. Al, Dın ısterı basqarmasy basşysy Q.Köşqaliev bolsa, resmi jauabynda äleumettık jelıge sıltegen.
"Atyrau oblysy Dın ısterı basqarmasy 2023 jylǧy 22 qyrküiektegı №ZT-2023-01861504 ötınışıŋızdı qarap, dın basqarmasynyŋ jürgızıp otyrǧan jūmystaryna bailanysty tuyndaǧan mäselelerdıŋ jauabyn bızdıŋ äleumettık jelılerdegı paraqşalarymyzdan qarap, jalpy maǧlūmat aluǧa bolatynyn habarlaidy. Sonymen qatar, jaŋadan aşylǧan radionyŋ maqsatyn «Azan Atyrau» radiosynyŋ azan_radiosy instagram paraqşasy arqyly radionyŋ barlyq baǧdarlamasymen tanysuǧa bolatynyn qaperlerıŋızge salamyz" dep jauap qatqan.
Al jelıdegı paraqşalarynan sūraqtarǧa laiyqty jauap taba almadyq.
Joǧarydaǧy zaŋdyq tūrǧydaǧy saualdarǧa äleumettık jelı men radionyŋ baǧdarlamalary jauap bere ala ma? Sonda Köşqaliev sūrau salǧandardyŋ bärıne "äleumettık jelıden oqi salyŋyz" dei me? Memlekettık qyzmetker naqty sūraqqa naqty jauap beruı kerek emes pe?
Jat dıni aǧymmen küresıp, zararly dıni toptardy zaŋ aiasynda auyzdyqtauǧa mındettı memqyzmetkerdıŋ mındetın äleumettık jelı atqarar bolsa, Köşqalievtıŋ qajetı qanşa?
Qanat Bırlıkūly «Adyrna» ūlttyq portaly
