Atyraý oblysy ákiminiń nazaryna!
Atyraý oblysy Densaýlyq saqtaý basqarmasynyń nazaryna!
Elimizde indettiń beti qaıtpaı, halyq dárihanalardy jaǵalap, keregin taba almaı jatqandyǵy belgili. Alaıda em izdegen halyqtyń qaltasy dárihanalardyń ózderi qoıyp alǵan dári baǵalaryn kóterer emes. Dári baǵasy aspandap ketken óńirdiń biri – Atyraý qalasyndaǵy «Nurmed» dárihanasy. Bul jóninde «Adyrna» ulttyq portalyna Atyraý qalasynyń turǵyny habarlady. Aıaq astynan anasy aýyryp, №7 polıklınıkaǵa provızorǵa jatqyzylǵan. Sol kúni 3.07.2020 jyly saǵat 18:30 shamasynda Almagúl mıkroraıonyndaǵy 24 úıde ornalasqan «Nurmed» dárihanasyna dári alýǵa barady. Ol jerden túbirteginde jazylǵan Zıromın 500 mg, 3 tabletka Azıtromındi 9000 teńgege alǵan.
Saǵat 21:40 shamasynda tap osy dárilerdi Mahambet kóshesindegi «Zerde» dárihanasynan 2280 teńgege alǵandyǵyn aıtty. «Nurmed» dárihanasyna qaıta habarlasyp, sebebin surap kórgisi kelgen onyń ózine aıqaılap bergen. Dári baǵasyn úsh ese ósirip otyrǵan dárihana basshylyǵy qaıda qarap otyr? Halyqty bulaı qanaı berý qanshalyqty durys? «Paıda oılamaı, ar oılaıtyn» kezdiń biri osy emes pe edi?!
Jansaıa Sman,
«Adyrna» ulttyq portaly
