Aqyn Muqtarbek Turysbekuly “Dombyra-haram” degenderge arnap óleń shyǵardy.
DOMBYRA HARAM DEIDI JAMAN NEME...
Dombyrany haram degen jaman neme,
Qazaq bolyp sen endi qalam deme.
Rýhanı murańnan jerımin dep,
Atańnyń árýaǵynan taıaq jeme.
Namystan maqurymdy adam deme,
Jabysqan jat jurttarǵa ol bir kene.
Qasıetti dombyra haram bolsa,
Tórine ilgen ony babam nege?
Nadan tobyr qaıtalap sózin jaýdyń,
Sanasyn ýlamasyn deni saýdyń.
Dombyra qańqasy emes kesken taldyń,
Ol dúbiri dalamda kóshken taýdyń.
Turǵyny terezesi shókken tamnyń,
Sáýlesi taramaıdy óshken shamnyń.
Úrgen ıtteı ún qatpa úıshigińnen,
Topshylap tobyrǵa tán túısigińmen.
Mı bolmasa basynda, adam - malǵun,
Aıyrmasy bolmaıdy odan maldyń.
Kókiregi kórsoqyr kórmes aldyn
Dombyra ustap sen neden kende qaldyń..?
Muqtarbek Turysbekuly
