"Adyrna" ulttyq portaly Aqtóbe oblysynyń bilim basqarmasyna qarasty "Aqtóbe-Daryn" óńirlik ǵylymı tájirıbelik qosymsha bilim berý ortalyǵy «Elbasy medali» baǵdarlamasyna 104 910 714 teńge qarjy bólgeni týraly synı materıal jarııalaǵan edi. Sol synnan keıin Aqtóbe oblystyq Memlekettik satyp alý basqarmasy atalǵan jobany toqtatyp, bólingen qarjyny bıýdjetke qaıtardy, - dep habarlaıdy «Adyrna» aqparattyq portaly.
Tilshimiz bıyl 15 aqpan kúni QR Prezıdenti Qasym-Jomart Toqaev «Qazaqstan Respýblıkasynyń Tuńǵysh Prezıdenti – Elbasy týraly» QR Konstıtýııalyq zańynyń kúshin joıý týraly» Zańǵa qol qoıǵanyn, sodan beri, resmı túrde elimizdegi barlyq salada «Elbasy» degen ataý estilmeı ketkenin, Aqtóbe oblysynyń Bilim basqarmasy sol umytyla bastaǵan ataýdy qaıta jańǵyrtyp, «Elbasy medali» baǵdarlamasyna 104 910 714 teńge bólgenin synaǵan edi.
Sol synǵa "Aqtóbe oblysynyń memlekettik satyp alýlar basqarmasy" resmı jaýap berdi. Ol jaýapta: "20 tamyzdaǵy №504
buqaralyq aqparat quraldary arqyly joldaǵan suraýyńyzdy qarap, kelesini habarlaıdy. "Elbasy medali"
jobasy Qazaqstan Respýblıkasy Úkimetiniń "On tórt jastan jıyrma toǵyz jasqa deıingi balalar men jastardy patrıottyq tanytqany jáne belsendi azamattyq ustanymy úshin erekshelik
belgisimen nagradtaý qaǵıdalaryn bekitý týraly" 2020 jylǵy 24 sáýirdegi № 249 qaýlysyna sáıkes júzege asyryldy. Qazirgi tańda buǵan deıin memlekettik portalda jarııalanǵan "Elbasy
medaline" qatysty memlekettik satyp alýlar konkýrsy toqtatyldy. Atalǵan maqsatqa bólingen qarajat bıýdjetke keri qaıtarylady. Atalǵan joba aldaǵy ýaqytta jalǵasyn tappaıdy" delingen.
"Elbasy medaline" esepsiz bólingen qarjynyń bıýdjetke keri qaıtqany quptarlyq jaıt. Bul másele aqparat quralynda jarııalanbasa, Aqtóbelik sheneýnikter Eski Qazaqstanda qalyp kete bermek pe?
Bizdi osy suraq mazalaıdy...
Qanat Birlikuly
"Adyrna" ulttyq portaly
