Aqtöbe oblysynyŋ bılım basqarmasyna qarasty "Aqtöbe-Daryn" öŋırlık ǧylymi täjıribelık qosymşa bılım beru ortalyǧy «Elbasy medalı» baǧdarlamasyna 104 910 714 teŋge qarjy böldı, - dep habarlaidy «Adyrna» aqparattyq portaly goszakup.gov.kz caityna sılteme jasap.
Biyl 15 aqpan künı QR Prezidentı Qasym-Jomart Toqaev «Qazaqstan Respublikasynyŋ Tūŋǧyş Prezidentı – Elbasy turaly» QR Konstitusiialyq zaŋynyŋ küşın joiu turaly» Zaŋǧa qol qoidy. Sodan berı, resmi türde elımızdegı barlyq saladan «Elbasy» degen atau da alynyp tastalǧandai estılmei ketken edı.
Aqtöbe oblysynyŋ Bılım basqarmasy sol ūmytyla bastaǧan ataudy qaita jaŋǧyrtyp, «Elbasy medalı» baǧdarlamasyna 104 910 714 teŋge bölıptı.
Memlekettık satyp alu lotynyŋ resmi atauy: «On tört jastan jiyrma toǧyz jasqa deiıngı «Elbasy medalı» baǧdarlamasyna qatysuşylardy ädıstemelık jäne ūiymdastyruşylyq qoldaudy qamtamasyz etu jönındegı qyzmetter» dep atalady.
Lottyŋ tehnikalyq sipattamasynda "Elbasy medalı" baǧdarlamasyna 14-29 jas aralyǧyndaǧy jastardyŋ qatysa alatyny, jobaǧa 1000 qatysuşy tartylatyny körsetılgen. Şara barysynda ūiymdastyruşylar qiyndyqtardy jeŋıp, ärtürlı salalarda özın jüielı türde damytyp, basqalarǧa qamqorlyq jasaityn, alǧa qoiǧan maqsattary men joǧary nätijelerıne qol jetkızetın tūlǧalardy qalyptastyrudy basty nazarda ūstaitynyn tılge tiek etken.
Sonymen qatar, tehnikalyq sipattamada «Qyzmetterdı oryndau üşın QR Ükımetınıŋ 2020 jylǧy 14 mamyrdaǧy № 296 Qaulysy, Nūrsūltan Nazarbaev Qorynyŋ 2021 jylǧy 3 nauryzdaǧy № 01/011-t "Elbasy medalı" baǧdarlamasynyŋ serıktesterın bekıtu turaly qūjaty negız bolyp tabylatyny jazylypty.
«Elbasy medalı» baǧdarlamasyna qatysty atalǧan tender aşyq konkurs täsılımen 14 tamyz künı jariialanǧan. Ötınımderdı qabyldau merzımı 11 künnen keiın, iaǧni 29 tamyz künı aiaqtalady.
Aqtöbe oblysynyŋ bılım basqarmasyna qarasty "Aqtöbe-Daryn" öŋırlık ǧylymi täjıribelık qosymşa bılım beru ortalyǧy ötkızıp jatqan «Elbasy medalı» baǧdarlamasyna qatysty tenderdı qandai kompaniianyŋ ūtyp alatynyn 29 tamyz künı qosymşa habarlaityn bolamyz.
Qanat Bırlıkūly
“Adyrna” ūlttyq portaly
