Qazaqstan premerı Älihan Smaiylov “ArcelorMittal” kompaniiasynyŋ investory Lakşmi Mittaldyŋ elde odan ärı qala almaitynyn aitty, dep habarlaidy "Adyrna" saity. Tengrinews.kz portalyna sılteme jasap.
Ükımet basşysynyŋ aituynşa ötken jyly qaraşada Lenin atyndaǧy şahtada adamdar qaza tapqan däl osyndai jaǧdai kezınde, ArcelorMittal basşylyǧy önerkäsıptık qauıpsızdıktı, eŋbek qauıpsızdıgın qamtamasyz etuge sendırgen. Olar öndırıstı jaŋǧyrtuǧa investisiia tartuǧa bar küş-jıgerın salatynyn jetkızgen. Alaida premer-ministr üş milliard dollar investisiialau jospary jariialansa da qazır berılgen uädelerdıŋ oryndalmai otyrǧanyn alǧa tartty. Aituynşa, şeteldık investor tarapynan bar bolǧany bır milliard dollardyŋ jospary ǧana berılgen. Tıptı ol da tolyq oryndalmai jatyr eken. "Jyldan-jylǧa bız öndırıstı qoldauǧa jūmsalatyn investisiianyŋ azaiyp jatqanyn baiqaimyz. Al apattar bolsa jiı oryn alyp, adamdar ölıp jatqanyn körıp otyrmyz. Qazır būl käsıporynnyŋ iesın auystyru mäselesı köterılude. Bız Mittal jäne onyŋ adamdarymen kelıssözder jürgızudemız", - dedı Älihan Smaiylov. Ükımet basşysynyŋ aituynşa, kelesı aptada taǧy bır kelıssöz ötedı. "Menıŋ oiymşa, ekologiialyq audit jäne önerkäsıptık qauıpsızdık auditı aiaqtalǧannan keiın būl mäsele tüpkılıktı şeşıledı. Sondyqtan būl investordyŋ ärı qarai Qazaqstanda qaluynyŋ maŋyzy joq. Ökınışke orai, būl öndırıske, önerkäsıptık qauıpsızdıkke, kenışterdegı, metallurgiialyq öndırıstegı eŋbek qauıpsızdıgıne degen közqarasyna bailanysty", - dedı Älihan Smaiylov.Ūqsas jaŋalyqtar
