Qazaqstan Prezidentı Qasym-Jomart Toqaev Resei prezidentı Vladimir Putinnıŋ şaqyruymen Mäskeuge memlekettık saparmen bardy, dep habarlaidy "Adyrna" ūlttyq portaly.
Vnukovo-2 äuejaiynda joǧary märtebelı qonaqty qarsy alu üşın Mäskeu garnizonynyŋ qūrmet rotasy men äskeri ürmelı orkestr qyzmet atqardy. Prezident Qasym-Jomart Toqaevty Resei ükımetınıŋ bırınşı orynbasary Denis Manturov jäne basqa da resmi tūlǧalar qarsy aldy. Ekı eldıŋ memlekettık gimnderı şyrqaldy.
Äuege köterıluınen Mäskeuge qonuyna deiın Qazaqstan Prezidentınıŋ ūşaǧyn Resei qorǧanys ministrlıgınıŋ Su-35 ūşaqtary qadaǧalady. Būl turaly prezidenttıŋ baspasöz qyzmetı öz Telegram arnasynda fotosuretter men beinejazbalar jariialaǧan.
11-12 qaraşa künderı Qasym-Jomart Toqaev Mäskeude resmi saparmen bolady. Kezdesuler barysynda ol Vladimir Putinmen ekıjaqty kelıssözder ötkızedı jäne beine-konferens formatynda XXI Qazaqstan–Resei aimaqaralyq yntymaqtastyq forumynyŋ plenarlyq sessiiasyna qatysady. Sonymen qatar, sapar barysynda bırqatar maŋyzdy kelısımderge qol qoiyluy josparlanǧan.
