Instagram áleýmettik jelisinde paraqshalaryn qyzyqty júrgizetin, oqyrmandarǵa sapaly kontent usynatyn bıznes-akkaýnttardyń reıtıngi jasaldy.
Áleýmettik jeli oqyrmandarynyń basym bóligi – jas ári áleýmettik belsendi ınternet paıdalanýshylar. Jaqsy ımıdj qalyptastyrý kompanııany damytýdyń negizgi quraldarynyń biri ekeni belgili. Oqyrmandardy paraqshalaryna qyzyqtyrý úshin mamandar túrli tásilderdi qoldanýda.
Weproject.media ınternet-basylymy SMM salasyn jaqsy meńgergen 10 úzdik qazaqstandyq kompanııany tańdady. Reıtıng nátıjesi boıynsha M.S. Nárikbaev atyndaǵy KAZGIýÝ Ýnıversıtetiniń Instagram-paraqshasy úzdikter qatarynda.
Internet-basylym jarııalaǵan maqalada JOO akkaýnty basqalardan nesimen erekshelenetini jazylǵan: «Ýnıversıtet Instagram-paraqshasyn júrgizip qana qoımaı, stýdentter men bolashaq túlekterge oqý ornynyń jańa ımıdjin qalyptastyratyn ózindik medıasyn usynady. Paraqshasynda stýdenttermen suhbat, paıdaly keńester, kúlkili kartochkalar men oqý orny týraly mańyzdy aqparattardy jarııalaıdy».
Atap óteıik, «Atameken» Ulttyq kásipkerler palatasy shyǵarǵan reıtıng nátıjesi boıynsha KAZGIýÝ Ýnıversıteti 2020 jyldyń úzdik joǵary oqý orny atandy. Zertteý jumystary QR Bilim jáne ǵylym mınıstrliginiń tapsyrysymen júrgizildi. Reıtıngke QR IIM, QR UQK men qorǵanys mınıstrligine qarasty ýnıversıtetterden basqa barlyq JOO qatysty.
"Adyrna" ulttyq portaly
KAZGIýÝ Ýnıversıtetiniń baspasóz qyzmeti
