Almaty qalasynyŋ Äuezov audanyndaǧy jetı kölık juu orny sudy qaita paidalanu jüiesıne arnalǧan jabdyqtyŋ bolmauyna bailanysty uaqytşa susyz qaldy. Būl zaŋbūzuşylyq 60 nysandy tekseru barysynda anyqtalǧan. Būl turaly qala äkımdıgı mälımdedı, dep habarlaidy «Adyrna» tılşısı.
«Almaty Su» kompaniiasynyŋ mälımetınşe, tekserılgen kölık juu oryndarynyŋ şamamen 90 paiyzy ainalymdy sumen jabdyqtau jüiesımen qamtamasyz etılgen. Mūndai jabdyq paidalanylǧan sudy tazartyp, ony qaita qoldanuǧa mümkındık beredı. Nätijesınde su şyǧyny aitarlyqtai azaiady.
Alaida jetı nysanda qajettı jabdyqtyŋ joqtyǧy anyqtalǧan. Osyǧan bailanysty atalǧan oryndarǧa su beru uaqytşa toqtatylǧan.
«Qajettı jabdyq ornatylyp, onyŋ jūmysy tekserılgennen keiın ǧana su beru qaita qalpyna keltırıledı», – dep habarlady äkımdık.
Almatynyŋ barlyq audanynda tekseru jūmystary jalǧasady. Kommunaldyq qyzmetter su qūbyry jelılerıne zaŋsyz qosylu derekterın anyqtauǧa erekşe nazar audarmaq.
