QR Ǧylym jäne joǧary bılım ministrlıgı men Ūlttyq testıleu ortalyǧynyŋ äleumettık jelılerınde 2024-2025 oqu jylyna arnalǧan bılım granty iegerlerınıŋ tızımı jariialandy, dep habarlaidy “Adyrna” ūlttyq portaly.
Ministrlık mälımdegendei, granttardy taǧaiyndau konkursyna qatysu üşın 104 myŋnan astam talapker qūjat tapsyrdy. Būl ötken jylmen salystyrǧanda 10 myŋǧa artyq.
Memlekettık granttar respublikalyq komissiia otyrysynyŋ qorytyndysy boiynşa taǧaiyndaldy. Komissiia qūramynda QR Parlamentınıŋ deputattary, müddelı memlekettık organdardyŋ, bilim salasy käsipodaqtarynyŋ, QR Ūlttyq käsipkerler palatasynyŋ, QR Joǧary oqu oryndarynyŋ assosiasiiasynyŋ jäne qoǧamdyq ūiymdardyŋ ökılderı boldy.
«Bır granttyq orynǧa eŋ ülken konkurs «Stomatologiia» BBBT boiynşa boldy. Būl mamandyq boiynşa 35 talapker bır orynǧa talasty. Ary qarai «Halyqaralyq qatynastar jäne diplomatiia» (11 adam), «Dene şynyqtyru mūǧalımderın daiarlau» (10 adam), «Audarma ısı» jäne «Psihologiia» (9 adam) boldy.
Grantqa ümıtkerler arasynda baldar teŋdıgı jaǧdaiynda basym qūqyqqa ie bolatyn 22 myŋnan astam talapker, olardyŋ ışınde «Altyn belgı» iegerlerı, halyqaralyq jäne respublikalyq olimpiadalardyŋ jeŋımpazdary, oqu üzdıkterı bar. Sondai-aq, granttardy üilestıru barysynda äleumettık osal sanattaǧy balalardyŋ kvotalary eskerıldı», - delıngen habarlamada.
Joǧary oqu oryndaryna qūjattardy tapsyru 25 tamyzǧa deiın jüzege asyrylady.Ūqsas jaŋalyqtar
