Creative Aimaq jobasy 200 mln teŋge sauda ainalymymen qorytyndylandy

49
Adyrna.kz Telegram
https://adyrna.kz/storage/uploads/v4PDYYs1oM6Ci17l7x9GUC2bfDjcLkax8yOdDRe2.jpg

Kreativtı industriialardy damytu qory biyl alǧaş ret ıske asyrylǧan Creative Aimaq respublikalyq jobasyn qorytyndylady.

13 mausym men 1 qaraşa aralyǧynda elımızdıŋ 18 öŋırınen 1000 kreator qatysqan järmeŋkelerge 85 myŋ adam kelıp, jalpy sauda ainalymy 200 mln teŋgege jettı.

Aqmola oblysynan bastalyp, Maŋǧystau oblysynyŋ şyǧarmaşylyq baǧdarlamasymen aiaqtalǧan joba bes aiǧa juyq uaqyt boiy Qazaq Creative Hub alaŋynda elımızdıŋ är öŋırınen kelgen dizainerlerdı, suretşılerdı, zergerlerdı, qolönerşılerdı, animatorlar men sifrlyq kontent äzırleuşılerdı bırıktırdı. Creative Aimaq öŋırlık şyǧarmaşylyq käsıpkerlıktı damytuǧa, kreativtı önımderdı kommersiialandyruǧa, otandyq brendterdı ılgerıletuge jäne ötkızu naryǧyn keŋeituge baǧyttalǧan.

Sauda kölemı boiynşa üzdık bes öŋır

Maŋǧystau oblysy – 33 mln 260 myŋ teŋge

31 qazan men 1 qaraşa künderı ötken «Maŋǧystau: Tamyr. Talǧam. Kreativ» järmeŋkesıne 40 kreator qatysyp, 1800-den astam avtorlyq būiym ūsyndy. Ekı künde järmeŋkege 13 myŋ adam keldı. Maŋǧystaulyq şeberler kümıs äşekeiler, ūlttyq kiımder, dästürlı jadaǧailar, bylǧary aiaq kiımder men aksessuarlar ūsyndy. Mädeni baǧdarlama aiasynda «Aqşaǧyl», «Dombyra sazy», «Jorǧa» ansamblderı men Tamara Asar öner körsetıp, sän körsetılımderı, şeberlık sabaqtary jäne Äbış Kekılbaiūlynyŋ «Ürker» romanyna arnalǧan ädebi kezdesu ūiymdastyryldy.

Aqtöbe oblysy – 23 mln 850 myŋ teŋge

10–11 qazanda ötken järmeŋkege 100 kreator qatysyp, 9500 adam keldı. Aqtöbelık käsıpkerler dizainerlık kiımder, zergerlık äşekeiler, bylǧarydan, aǧaştan, süiek pen kiızden jasalǧan būiymdar, ūlttyq aksessuarlar men kädesyilar ūsynsa, jergılıktı suretşıler öz tuyndylary men avtorlyq dizain jobalaryn tanystyrdy.

Türkıstan oblysy – 21 mln teŋge

29–30 tamyzda ūiymdastyrylǧan järmeŋkege 50 kreator qatysyp, 5200 adam keldı. Türkıstandyq şeberler ūlttyq kılemder, zergerlık äşekeiler, dizainerlık kiımder, dombyralar, at äbzelderı, kiızden, aǧaştan jäne qyştan jasalǧan būiymdar, sändık pannolar, jıbek oramaldar men ūlttyq aksessuarlar ūsyndy.

Jetısu oblysy – 16 mln teŋge

15–16 tamyzda ötken järmeŋkege 30 kreator qatysyp, 5 myŋ adam keldı. Öŋır şeberlerı kartinalar, zergerlık äşekeiler, ūlttyq oiynşyqtar, baskiımder, aǧaş būiymdar men kiızden jasalǧan aiaq kiımderdı tanystyrdy. Beineleu önerı tuyndylaryna erekşe sūranys baiqalyp, olardyŋ satylymy şamamen 10 mln teŋgenı qūrady. Sonymen qatar qyş jasau önerı tanystyrylyp, sän körsetılımderı men şyǧarmaşylyq baǧdarlamalar ūiymdastyryldy.

Jambyl oblysy – 15 mln 200 myŋ teŋge

5–6 qyrküiekte ötken «Asqaq ruhty Äulieata» järmeŋkesıne 50 kreator qatysyp, 6 myŋ adam keldı. Jambyldyq şeberler ūlttyq kiımder, zergerlık äşekeiler, aǧaştan, bylǧary men kiızden jasalǧan būiymdar jäne avtorlyq kädesyilar ūsyndy. Baǧdarlama aiasynda ASPARA brendınıŋ dizainerlık toptamalary, jasandy intellekt kömegımen äzırlengen qazaq ertegılerı men animasiialyq tuyndylar, sondai-aq audany 200 şarşy metr bolatyn kiızden jasalǧan öner tuyndysy köpşılık nazaryna ūsynyldy.

Ūlttyq qolönerden sifrlyq tehnologiialarǧa deiın

Creative Aimaq elımızdıŋ mädeni mūrasy men kreativtı industriialardyŋ zamanaui baǧyttaryn bır alaŋǧa toǧystyrdy. Sän jäne dizain salasynda otandyq dizainerler ūlttyq naqyştaǧy kiımderdı, avtorlyq toptamalardy, aiaq kiımder men aksessuarlardy tanystyryp, dästürlı oiu-örnekterdı zamanaui sän ülgılerımen üilestırdı. Zergerlık öner men qolöner baǧytynda kümıs äşekeiler, aǧaştan oiylǧan būiymdar, qyş ydystar, bylǧary aksessuarlar, kiızden jasalǧan tūrmystyq zattar men sändık-qoldanbaly öner tuyndylary ūsynyldy.

Beineleu önerı salasynda kartinalar, müsınder, intererge arnalǧan avtorlyq tuyndylar men sändık pannolar qoiyldy. Qaraǧandy oblysynyŋ kreatorlary kömırden jasalǧan öner tuyndylaryn, Balqaş şeberlerınıŋ mikrominiatiuralaryn jäne 3D basyp şyǧaru tehnologiialaryn tanystyrsa, Şymkent qalasy men Jambyl oblysynyŋ qatysuşylary otandyq animasiialyq jobalardy, jasandy intellekt negızındegı äzırlemeler men innovasiialyq tehnologiialyq şeşımderdı köpşılık nazaryna ūsyndy.

Är öŋırdıŋ mädeni erekşelıgın tanytqan baǧdarlamalar ūlttyq muzyka, teatr qoiylymdary, sän körsetılımderı, kıtap tanystyrylymdary, ädebi kezdesuler men şeberlık sabaqtaryn qamtyp, keluşılerge elımızdıŋ şyǧarmaşylyq jetıstıkterımen keŋınen tanysuǧa mümkındık berdı.

Öŋırlık kreatorlardyŋ ekonomikalyq äleuetı

Creative Aimaq jobasy audan ortalyqtary men auyldarda eŋbek etetın şyǧarmaşylyq käsıpkerlerge öz önımderın ırı naryqqa ūsynuǧa, tūtynuşylardyŋ sūranysyn baǧalauǧa, jaŋa klientter tabuǧa jäne ıskerlık bailanys ornatuǧa mümkındık berdı. Kreativtı industriialardy damytu qorynyŋ Basqarma töraǧasy Erlan Kanalimov jobanyŋ nätijelerıne toqtalyp, öŋırlık şyǧarmaşylyq käsıpkerlıktı damytudyŋ basym mındetterın atap öttı.

«Creative Aimaq jobasyn bastaǧanda bız öŋırlerdegı kreatorlardyŋ aldynda tūrǧan naqty mäselelerdı negızge aldyq. Elımızdıŋ audan, auyldarynda sapaly ärı bäsekege qabılettı önım şyǧaratyn talantty azamattar köp. Alaida olardyŋ barlyǧynda öz önımın keŋ naryqqa ūsynuǧa, satyp aluşylar tabuǧa jäne käsıbın damytuǧa mümkındık bırdei emes.

Bız osy kedergılerdı azaityp, şyǧarmaşylyq önımnıŋ naqty ekonomikalyq ainalymǧa tüsuıne jaǧdai jasaudy maqsat ettık. Joba aiasynda 1000 kreatordyŋ 200 mln teŋgenıŋ önımın satuy öŋırlık şyǧarmaşylyq käsıpkerlıktıŋ äleuetın körsettı. Būl tek qolönerge qatysty emes. Dizain, sän, beineleu önerı, animasiia, sifrlyq tehnologiialar jäne basqa da salalarda tabys tabuǧa, jaŋa jūmys oryndaryn qūruǧa mümkındık bar.

Endıgı mındet – järmeŋkede tanystyrylǧan önımderdıŋ tūraqty naryqqa şyǧuyna yqpal etu. Kreatorlar öz käsıbın bır rettık ıs-şaraǧa täueldı etpei, tūraqty tapsyryspen jūmys ısteitın deŋgeige jetuı kerek. Bız üşın jobanyŋ ūzaq merzımdı nätijesı osy bolmaq», – dedı Erlan Kanalimov.

Creative Aimaq jobasynyŋ qorytyndysy öŋırlık kreativtı industriialardyŋ ekonomikalyq äleuetın jäne otandyq avtorlyq önımderge degen sūranysty körsettı. Qazaq Creative aldaǧy uaqytta öŋırlık kreatorlardyŋ tūraqty tapsyrys aluyna, käsıbın keŋeituıne, ötkızu naryǧyn ūlǧaituyna jäne bäsekege qabılettı otandyq brendter qalyptastyruyna qoldau körsetudı jalǧastyrady.

Pıkırler