Ministr Aqordadan eskertu alǧan. ŪQK töraǧasynyŋ da ornynan ketu sebebı aityldy

522
Adyrna.kz Telegram
https://adyrna.kz/storage/uploads/iLhVd1h7FbNDNdDOyk8wrVQC6gT5GcO5InGC3D2p.webp

Suret: Jİ

Prezidenttıŋ keŋesşısı – baspasöz hatşysy Aibek Smadiiar ŪQK töraǧasy bolǧan Ermek Saǧymbaevtyŋ ne sebeptı qyzmetınen bosatylǧanyn aitty, dep habarlaidy «Adyrna» tılşısı.

Onyŋ sözınşe, memleket basşysynyŋ şeşımıne arnaiy qyzmettı reformalau mındetterın tiımdı oryndau üşın basşylyq qūramda kadrlyq özgerıster engızu qajettıgı negız bolǧan.

«Prezident Qasym-Jomart Toqaev Ermek Saǧymbaevty qyzmetten bosatu turaly şeşım qabyldaǧanda jemqorlyq oqiǧasyna qatysy bar lauazymdy tūlǧalardy ūstau jaǧdaiyn da eskerdı. Prezidenttıŋ pıkırınşe, küştık qūrylym qyzmetkerlerı qatelıkter jıbergen. Osyǧan bailanysty Işkı ıster ministrı Erjan Sädenovke qyzmettık eskertu jariialandy.

Jalpy «Samūryq-Qazyna» qory men «Qazaqstan temır joly» kompaniiasy basşylarynyŋ ısındegı korrupsiialyq sipat eş kümän tudyrmaidy. Ony tergeu şaralary kezındegı figuranttardyŋ äreketterı rastady.  Prezident jürgızılıp jatqan tergeu amaldarynan äuel bastan habardar boldy. Memleket basşysynyŋ jemqorlyqqa qarsy küreske qatysty berık ūstanymy özgermeidı»,– dep jazdy Smadiiar.

Sondai-aq ol bügın memleket basşysynyŋ Işkı ıster ministrlıgınıŋ basşylyq qūramymen jiyn ötkızgenın atap öttı.

«Prezident qyzmettık tärtıptı nyǧaitudy, «Zaŋ men Tärtıp» qaǧidatyna sai qoǧamdyq qauıpsızdıktı qamtamasyz etuge qatysty mındetterdı atqaru barysynda polisiianyŋ käsıbi daiarlyq deŋgeiın köterudı tapsyrdy.

Ministr Erjan Sädenovke polisiianyŋ qatardaǧy qyzmetkerlerı men ofiserlık qūramy arasynda tärbie jūmystaryn küşeitu kerek ekenı aityldy»,– dep tolyqtyrdy baspasöz hatşysy.

Būǧan deiın Ūlttyq qauıpsızdık komitetınıŋ töraǧasynyŋ auysqanyn jazǧan edık.

Pıkırler