Iakýtsk respýblıkasynyń astanasy Saha qalasynda kesheden beri myńdaǵan adamnyń qatysýymen mıtıng ótýde. Jergilikti turǵyn áıeldi Qyrǵyzstannan kelgen mıgrant zorlady dep kúdiktelip, tutqyndalǵan bolatyn. Bunyń arty narazylyq mıtıngisine ulasyp, jergilikti turǵyndar mıgranttardy elden shyǵarýdy talap etýde.
Jınalǵandar aldynda Iakýtııanyń basshysy Aısen Nıkolaev sóz sóıledi. Ol qylmyskerdi zańǵa sáıkes jazalaıtynyn málimdedi. Aldaǵy naýryz jáne sáýir aılarynda elge kelýshi mıgranttardy jappaı tekserip, kóshi-qon rejımin buzýshylardy deportaııalanatynyn aıtty. Bul jaǵdaıda resmı ókil zorlyq-zombylyqqa jol bermeýdi ótindi.
Iakýtııanyń basshysy mıtıngke jınalǵan Iakýtsk turǵyndarynyń ashýyn túsinetinin aıtty. «17 naýryzdyń túni Iakýtskte bolǵan bul qylmys bárimizdi tań qaldyrdy. Iakýtsk qalasynyń turǵyny, qyzymen ǵana turatyn jalǵyz basty áıeldi jumystan keıin úıine oralǵanda úıdiń aýlasynda belgisiz bireýler mashınaǵa kúshtep kirgizip, alyp ketip zorlaǵan. Quqyq qorǵaý organdary jedel jumys istedi, barlyq úsh kúdikti ustaldy «, - dedi Nıkolaev.
Onyń aıtýynsha, Iakýtııa - 120-dan astam ult ókilderi turatyn kóp ultty respýblıka, sondyqtan etnıkaaralyq qaqtyǵysty týdyrýǵa emes, turǵyndardy zańsyz kóshi-qonmen kúresýge shaqyrdy.
Saha Respýblıkasy Qoǵamdyq palatasy turǵyndardy arandatýlarǵa ushyramaýdy, tynyshtyq saqtaýdy jáne shapshań áreketterge jol bermeýdi surady. «Qylmyskerde ult bolmaıdy, al qylmystyń áreketin baǵalaý qoldanystaǵy zańnamanyń sheńberinde beriletinine senimdimiz», - delingen habarlamada.
17 naýryzda bolǵan oqıǵadan soń ashýly jergilikti turǵyndar mıgranttardy kóshede óz betinshe jazalamaqqa kóshken. Avtobýs júrgizýshileri men jemis-jıdek, kókónis satatyn mıgranttar kóshege shyǵa almaı qalǵan.
Iakýtııadaǵy jaǵdaıǵa oraı Qyrǵyzstan shuǵyl túrde ókilderin attandyrdy. Qyrǵyzstannyń ishki ister mınıstrliginiń Reseıdegi ókili, vıe-konsýl Dastan Nııazalıev, Reseıdegi qyrǵyz dıasporasynyń kóshbasshysy Jazbek Bekbolıev jáne kóshi-qon qyzmetiniń basshysynyń orynbasary Samat Toqtobolotov Iakýtııadaǵy qyzý jaǵdaıdy talqylaýda.
"Adyrna" ulttyq portaly
