Premer-mınıstr Oljas Bektenov Ýkraına tóńiregindegi jaǵdaıǵa baılanysty prezıdent bergen tapsyrmalardy oryndaý boıynsha shuǵyl jıyn ótkizdi, dep habarlaıdy “Adyrna” ulttyq portaly.
Oljas Bektenov qorǵanys, ishki ister, tótenshe jaǵdaılar, syrtqy ister, densaýlyq saqtaý, kólik, energetıka, ónerkásip jáne qurylys, ulttyq ekonomıka, qarjy mınıstrlikteri basshylyǵymen Memleket basshysynyń negizgi áskerı jáne azamattyq nysandar qaýipsizdigin qamtamasyz etý jóninde shuǵyl sharalar qabyldaý týraly tapsyrmalaryn oryndaý jóninde jedel keńes ótkizdi.
Jıyn barysynda premer-mınıstr qorǵanys mınıstri Rýslan Jaqsylyqovtyń strategııalyq jáne ınfraqurylymdyq nysandardy qorǵaýdy qamtamasyz etý boıynsha júrgizilip jatqan jumystar týraly málimetterin tyńdady. Sonymen qatar memlekettik organdardyń is-qımyldaryn kúsheıtýge baǵyttalǵan birqatar mindetter qoıdy. Turaqtylyq pen qoǵamdyq tártipti saqtaý, kólik qatynasynyń qaýipsizdigi, densaýlyq saqtaý nysandarynyń qyzmeti jáne basqa da máselelerge nazar aýdaryldy.
«Ýákiletti qurylymdardyń basshylyǵyna Prezıdenttiń qaýipsizdikti qamtamasyz etý jónindegi tapsyrmalarynyń oryndalýyn erekshe baqylaýda ustaý jáne jaǵdaıdyń ózgerýi týraly shuǵyl túrde baıandaý tapsyryldy», delingen habarlamada.
Aıta keteıik, Reseı Federaııasynyń Astrahan oblysy men Qazaqstan Respýblıkasynyń Batys Qazaqstan oblysynyń aýmaǵynda ornalasqan «Kapýstın Iar» zymyran polıgony synaqtar úshin paıdalanýda.
Eske salaıyq, buǵan deıin prezıdent Ýkraınadaǵy jaǵdaıǵa qatysty eldegi qaýipsizdikti qamtamasyz etý boıynsha sharalar qabyldaýdy tapsyrǵan edi.
Reseı prezıdenti Vladımır Pýtın de buǵan deıin Ýkraınamen arada bolyp jatqan soǵysqa qatysty shuǵyl málimdeme jasap, qaqtyǵys ǵalamdyq sıpatqa ıe bolǵanyn málimdegen bolatyn.
