Būrynǧy Almaty äkımı Bauyrjan Baibek «Bolaşaq» baǧdarlamasynyŋ tülekterınıŋ jarqyn ökılı ärı «eskı Qazaqstannyŋ» belgılı tūlǧalarynyŋ bırı. Eks-äkımnıŋ jūmysy jiı synǧa ılıkken, dep habarlaidy “Adyrna” ūlttyq portaly CMN.KZ redaksiiasyna sıltep.
Ol Almaty sekıldı qarjy ortalyǧynyŋ äkımı ǧana emes, ūzaq uaqyt boiy «Nur Otan» partiiasy töraǧasynyŋ bırınşı orynbasary qyzmetın atqarǧan. Alaida Qaŋtar oqiǧasynan keiın eks-äkımnıŋ qyzmetı jiı synǧa alynyp, oǧan qatysty tergeu bastaldy degen qauesetter tarady.
Tergeu tırkelmegen
29-30 qazan künderı Qazaqstannyŋ Qarjylyq monitoring agenttıgı men Sybailas jemqorlyqqa qarsy ıs-qimyl agenttıgı redaksiianyŋ saualyna jauap berıp, Baibekke qatysty qylmystyq ısterdıŋ joq ekenın mälımdedı.
«Bauyrjan Baibek QMA öndırısındegı ısterdıŋ figuranty emes ekenın habarlaimyz», - delıngen.
«Qazırgı uaqytta Antikordyŋ jäne onyŋ aumaqtyq bölımşelerınıŋ öndırısınde Bauyrjan Baibekke qatysty qylmystyq ıster joq», - delıngen Antikor habarlamasynda.
Qaraşa aiynyŋ basynda Işkı ıster ministrlıgı (IIM) de jauap berdı, bıraq eks-äkımnıŋ aty-jönın naqty atamady.
«Atalǧan tūlǧaǧa qatysty tergeu tırkelmegen», - delındı jauapta.
Al Ūlttyq qauıpsızdık komitetınen (ŪQK) älı jauap tüspegen.
Qoǧamdyq pıkır: Baibekke küdık bar ma?
Mihail Kozachkovtyŋ Telegram arnasynda 5 qaraşa künı Bauyrjan Baibekke qatysty jemqorlyq küdıgı turaly aqparat jariialandy. Onyŋ aituynşa, eks-äkımnıŋ Almaty äkımı bolyp tūrǧan kezdegı äreketterı tekserılıp jatyr.
Baibek otbasynyŋ mülkı: şeteldık aktivter bar ma?
Bauyrjan Baibektıŋ özı aktivterge ielık etkenı baiqalmaǧan. Ol älı de «Bolaşaq» halyqaralyq stipendiattar qauymdastyǧynyŋ teŋ qūryltaişysy bolyp tabylady. Degenmen, onyŋ äkesı Qydyrǧali Baibek pen anasy Altynai Baibektıŋ Qazaqstandaǧy bırqatar elitalyq jyljymaityn mülıkke ielık etetını belgılı.
Äkesınıŋ jyljymaityn mülkı:
1. Almaty:
- Esentai Apartments: 2015 jyly 485,8 şarşy metrlık penthaus (507 mln teŋgege).
- «TAŊ NŪRY» TK: 2016 jyly 544,8 şarşy metrlık penthaus (192,8 mln teŋgege).
2. Astana:
- 2021 jyly Green Village» tūrǧyn üi keşenınde ekı elitalyq päterge (220,1 jäne 247 şarşy metr) ielık ettı.
Anasynyŋ jer telımı:
2023 jyly Altynai Baibek Aqmola oblysy Qyzyljar auylyndaǧy jer telımınıŋ maqsatyn özgertıp, «ǧimarattardy paidalanu» kategoriiasyna ötkızgen. Jalpy audany – 1,1706 gektar.
Ūqsas jaŋalyqtar
