Nıý-Iorktiń soty AQSh-tyń burynǵy prezıdenti Donald Trampqa qatysty aýyzbastyryq bergeni boıynsha úkim shyǵarý proesin belgisiz merzimge keıinge qaldyrdy, dep habarlaıdy “Adyrna” ulttyq portaly VVS-ge siltep.
Bul is onyń 5 qarashada ótken prezıdenttik saılaýda jeńiske jetkennen keıin qaıta qaralýda. Alǵashqy sot otyrysy 26 qarashaǵa josparlanǵan bolatyn.
Tramptyń baspasóz qyzmeti sýdıanyń sheshimin «sheshýshi jeńis» dep atady, al qorǵaýshy tarap isti jabýdy talap etýde.
Mamyr aıynda Trampqa pornojuldyz Stormı Denıelske 130 myń dollar tólegeni jáne ony qujattarda jasyrǵany úshin 34 aýyr qylmys boıynsha aıyp taǵylǵan edi. AQSh tarıhynda Tramp qylmystyq is qozǵalǵan alǵashqy prezıdent boldy.
Nıý-Iork sotynyń sýdıasy Hýan Merchan taraptarǵa aldaǵy eki jarym apta ishinde isti ári qaraı qalaı júrgizý kerektigi týraly qosymsha dálelder usynýǵa shaqyrdy. Tramptyń advokattary isti dereý jabýdy talap etip, sottyń jalǵasýy onyń prezıdenttik qyzmetine kedergi keltirýi múmkin ekenin alǵa tartty. Alaıda aıyptaýshy tarap úkimdi keıinge qaldyrýǵa daıyn ekenin, biraq isti jabýǵa qarsy ekenin málimdedi.
Tramptyń baspasóz qyzmeti sýdıanyń sheshimin «sheshýshi jeńis» dep baǵalap, bul jaǵdaıdy «saıası qýdalaý kezeńiniń aıaqtalýy» dep atady. Tramptyń kommýnıkaııalar jónindegi dırektory Stıven Chýn:
«Prezıdent Tramp úlken jeńiske jetti. Amerıkan halqy oǵan prezıdenttik qyzmetti jalǵastyrýǵa mandat berdi. Bul sot isteri endi ótkenniń qaldyǵy retinde joıylady, al biz Amerıkany qaıtadan uly etýge nazar aýdaramyz», - dep habarlady.
Prezıdent Tramp 2016 jylǵy saılaý kezinde Stormı Denıelstiń únsizdigin qamtamasyz etý úshin “aqsha tóledi” dep aıyptalǵan. Ol óz kinásin moıyndamaı, isti saıası astary bar dep sanaıdy. Al qorǵaýshy tarap bul isti dereý jabýdy talap etýde. Sot isiniń ári qaraı qalaı jalǵasatyny áli belgisiz.
