Jazýshylar odaǵynyń 19 tóraǵasy saılanǵannan keıin odaqtyń baǵyt-baǵdary qalaı bolady? Jańa tóraǵanyń alǵashqy daýly málimdemesinen keıin birdeńe ózgerýi múmkin be?
11 mamyrda Abaı atyndaǵy opera jáne balet teatrynda ótken Jazýshylar odaǵynyń XVI quryltaıynda odaqtyń jańa tóraǵasy saılanyp, oǵan bes orynbasar bekitilgen. Tóraǵanyń saılana salyp minberden aıtqan jazýshylardyń oppozıııa bolmaıtyny jaıly aıtqany da kópshilik arasynda talqy týdyrǵan.
«Eshqashan bizdiń jazýshylar oppozıııa bolmaıdy dep esepteımin. Bolmaýy kerek dep esepteımin. Óıtkeni oppozıııa degen — memleket basshysyna qarsy bolý degen sóz. Men oǵan kelise almaımyn. Qazirgi prezıdentimiz Qasym-Jomart Toqaev óner adamdaryna, ǵalymdarǵa, jazýshylarǵa óte erekshe kóńil bólip otyr…” – degen bolatyn tóraǵa Mereke Qulkenov.
Artynsha bul málimdemege narazylyǵyn bildirgen Qoıshybek Múbarak jáne Esbol Nurahmet tárizdi qalamgerler odaqqa múshelikten shyǵatynyn jarııalaǵan. Al Dýman Ramazan Jazýshylar odaǵyndaǵy qyzmetinen ketkendigin málimdegen.
Mereke Qulkenoovtiń basshylyqqa kelýinen jazýshylar ne kútedi, odaqtyń óz jospary qandaı – osyny bilmek boldyq.
«ODAQQA ALǴYS AITÝYMYZ KEREK!»
Aqyn, Májilis depýtaty Qazybek Isadan Jazýshylar odaǵynyń bolashaǵy jaıly suradyq. Ol munyń jaýabyn áleýmettik jelige jazǵan pikirinen alýymyzdy ótindi. Onda aqyn odaqqa alǵys aıtý keregin jazypty.
“Keıingi bes jyldyqtyń bederinde Jazýshylar odaǵynyń jaly kóterilip, jarty álemdi qamtyǵan forýmdar ótkizgeni, Astanany shynynda da Eýrazııa kindigine aınaldyryp jibergenin sol halyqaralyq jıyndardan baıqadyq. Mundaıda Odaqqa alǵys aıtýymyz kerek! Qazir ınternet zamany bolǵandyqtan, gazettiń de saıtyn saıdyń tasyndaı etip, kúsheıtýge kúsh salýymyz kerek, - deıdi Qazybek Isa.
Al jańadan saılanǵan tóraǵa Mereke Qulkenov Habar 24 arnasyna bergen suhbatynda aldaǵy ýaqytta umyt bolǵan janrlarǵa basymdyq beretiniń, naqtyraq aıtqanda syn janry, fantastıkalyq jáne shytyrman oqıǵaly shyǵarmalarǵa nazar aýdaratynyn bildirgen. Sol úshin de qarjylyq qoldaý bolatyn sııaqty.
MEMLEKET QARJYLANDYRADY
Mereke Qulkenovtiń aıtýynsha, «strategııalyq áriptes» degen pýnktpen zań boıynsha endi Qazaqstan jazýshylar odaǵyn memleket qarjylandyratyn bolady.
- Bıýdjetke kiremiz, qudaı qalasa, sonda bizdiń Jazýshylar odaǵynyń óziniń jaǵdaıy da, jazýshylardyń da jaǵdaıy jaqsarady. Aqyn-jazýshylardyń kitabyn shyǵarýǵa da memleket qatty kóńil bólip otyr. Mysaly, sizdiń 20 baspa tabaq kitabyńyz shyqsa, oǵan gonararǵa 5 mln aqsha alasyz, - degen jańa tóraǵa resmı arnaǵa bergen suhbatynda.
Tóraǵanyń orynbasary bolyp saılanǵan Qasymhan Begmanov áli eshqandaı jumys bastalmaǵandyǵyn, qazirgi ýaqytta dokýmenttermen jáne ǵımarattyń jóndeý jumystarymen, ǵımaratty tehnıkamen qamtamasyz etý jaǵymen aınalysyp jatqanyń tilge tıek etti. Aldaǵy aılarda «tolyqtaı ne isteıtinimzdi, ne ózgeretiniń, ne ózgergeniń aıtamyz» deıdi ol.
MASTER-KLAS, TALQY JÁNE MARAPAT...
Jazýshylar odaǵy tóraǵasynyń taǵy bir orynbasary, jastar shyǵarmashylyǵyna jaýapty Beıbit Sarybaı óz josparymen bólisip ótti.
- 13 joba boıynsha jumys jasaımyn, soǵan jospar qurdym. Jazýshylar odaǵy uıymy jazýshyǵa shyǵarma jazyp bermeıdi, biraq sol shyǵarma jazýyna jaǵdaı jasaý kerek. Sol sebepti joba boıynsha kózdelip otyrǵan istiń biri – master klastar ótkizý. Dýlat Isabekov, Beksultan Nurjekeuly sekildi kórnekti aqyn jazýshylarymyzben jas qalamgerlerdi kezdestiremiz, - deıdi ol.
Onyń aıtýynsha, Almaty qalasyndaǵy ýnıversıtetterde óleń jazatyn, shyǵarma jazatyn jas talanttardyń báriniń basyn qosyp jastar klýbyn qurý kerek.
- Bul – kezekti jobamnyń biri. Jastar arasynda «Talqy» degen otyrysymyz bar. Ol jerde endi jaryq kórgen kitaptardy aldyn ala oqyp talqylaımyz. Osy jerin tolyqtyrý kerek nemese osy jerdi alyp tastaý kerek degen sııaqty pikirimizdi aıtamyz. Jazýshy ony ózgerte me, ózgertpeı me – ózi biledi. Odan keıin jaryq kórgen kitaptyn tusaý keserin ótkizip nasıhattaımyz. Taǵy bir jobam – «Jyl tańdaýy». Jas aqyn jazýshylar bir jylda kórinedi. Qandaı keremet dúnıe jazǵany, oqyrmandar arasynda moıyndalǵan týyndysy bolady, prozadan – bir adam, synnan – bir adam, poezııadan bir adam solaı úsh adamdy aqyldasyp marapat beremiz, qarjylaı syılyq beremiz. Osy sekildi kóp josparlar bar, - dedi Beıbit Sarybaı
Odaqtan qandaı ózgeristi qalaıtyny týraly jazýshylarǵa habarlasqanymyzda, olar tóraǵa Mereke Qulkenov ózi jaqynda josparlardy jarııalaıdy ǵoı dep joǵaryǵa siltedi. Al keıbir jazýshylar suhbat berýden múldem bas tartty.
Merhat RAFIHULY,
"Adyrna" ulttyq portaly
