Qazir Qazaqstanda Ekinshi dúnıejúzilik soǵysqa qatysyp, eleń-alań jyldardy basynan keshirgen 222 coǵys ardageri ǵumyr keship jatyr. Sonymen qatar, Ekinshi dúnıejúzilik soǵys saldarynan jaralanǵan jáne jeńiske úles qosqan 60 mynan astam adam turady, dep habarlaıdy "Adyrna" ulttyq portaly.
"Qazaqstan" telearnasynyń habarlaýynsha, Qazaq topyraǵynan urys dalasyna 1 mln 200 myńnan astam adam shaqyrtylǵan. Qolyna qarý alǵan árbir ekinshi qazaqstandyq Jeńis úshin óz ómirin qıdy. Áskerı qyzmeti úshin júzdegen myń qazaqstandyq medaldarmen jáne ordendermen marapattaldy, 500-ge jýyq adam Keńes Odaǵynyń Batyry atandy. Onyń tórteýi bul ataqty eki márte ıelendi. 110 qazaqstandyq úshinshi dárejeli Dańq ordenimen marapattaldy.
Soǵysqa shaqyrtylǵandar – 1,2 mln
Qaza tapqandar – 600 myń
Orden, medal alǵandar – 100 myń
Keńes odaǵynyń batyry atanǵandar – 500
Eki márte keńes odaǵynyń batyry atanǵandar – 4
III dárejeli dańq ordenimen marapattalǵandar - 110.
Soǵys kóptegen azamattarymyzdyń ómirin qıdy. "Atamnyń amanaty" birlestigi Ekinshi dúnıejúzilik soǵys dalalarynda shaıqasqan 271 myń qazaqstandyqtyń habarsyz ketkenin habarlady. Jalpy alǵanda, soǵys jyldarynda Qazaqstan mıllıonnan asa adamnan aıyrylýy múmkin.
Al resmı basylymdar Ekinshi dúnıejúzilik soǵys maıdanynda 600 myńnan asa qazaqstandyqtyń qaza tapqanyn habarlaıdy. Iaǵnı, áskerge shaqyrylǵandardyń jartysy soǵystan oralmaǵan. Qaza bolǵandar - Qazaqstan halqynyń 11,2 paıyzyna teń.
Keshe Memleket basshysynyń jarlyǵymen Uly Otan soǵysynyń eki ardageri Qaımoldın Ábdiǵalı men Gapıchý Ivan Stepanovıchke «Halyq qaharmany» ataǵy berildi.
"Adyrna" ulttyq portaly
