Amerikalyq būqaralyq aqparat qūraldary İzraildıŋ zymyrannan qorǧanu jüiesı – Arrow keşenıne arnalǧan zymyrandardyŋ qory tausyluǧa jaqyn ekenın jazuda, dep habarlaidy "Adyrna" ūlttyq portaly DW-ge sılteme jasap.
The Wall Street Journal gazetınıŋ jazuynşa, AQŞ bilıgı İzrailde zymyran tapşylyǧy tuyndaitynyn bırneşe ai būryn bılgen. Osyǧan bailanysty Vaşington İzraildıŋ qorǧanysyn küşeitu maqsatynda qūrlyqta, teŋızde jäne äuede qosymşa äskeri küşter men zymyranǧa qarsy jüieler jıberdı.
The Washington Post basylymy da İzraildıŋ qazırgı zymyrannan qorǧanu äleuetı tek 10–12 künge ǧana jetuı mümkın ekenın habarlady. AQŞ pen İzrail barlau qyzmetıne jaqyn derekközdıŋ mälımetınşe, oq-därı men zymyran qory şekteulı bolǧandyqtan, endı İzrail är şabuylǧa jauap beru mümkındıgın taŋdap otyruǧa mäjbür bolady.
«Olar endı naqty nysanalardy taŋdap, qaisysyn atyp tüsıru kerek ekenın şeşuge tiıs», – deidı derekköz.
Derekközdıŋ aituynşa, İzrail soŋǧy künderı İran zymyrandarynyŋ köp bölıgın joiǧan. Alaida İran tarapynan jasalatyn şabuyldardyŋ qarqyny da bıraz bäseŋdegen. Soǧan qaramastan, Tegerannyŋ qolynda älı qanşa zymyran qalǧany beimälım.
