قازىر قازاقستاندا ەكىنشى دۇنيەجۇزىلىك سوعىسقا قاتىسىپ، ەلەڭ-الاڭ جىلداردى باسىنان كەشىرگەن 222 cوعىس ارداگەرى عۇمىر كەشىپ جاتىر. سونىمەن قاتار، ەكىنشى دۇنيەجۇزىلىك سوعىس سالدارىنان جارالانعان جانە جەڭىسكە ۇلەس قوسقان 60 مىنان استام ادام تۇرادى، دەپ حابارلايدى "ادىرنا" ۇلتتىق پورتالى.
"Qazaqstan" تەلەارناسىنىڭ حابارلاۋىنشا، قازاق توپىراعىنان ۇرىس دالاسىنا 1 ملن 200 مىڭنان استام ادام شاقىرتىلعان. قولىنا قارۋ العان ءاربىر ەكىنشى قازاقستاندىق جەڭىس ءۇشىن ءوز ءومىرىن قيدى. اسكەري قىزمەتى ءۇشىن جۇزدەگەن مىڭ قازاقستاندىق مەدالدارمەن جانە وردەندەرمەن ماراپاتتالدى، 500-گە جۋىق ادام كەڭەس وداعىنىڭ باتىرى اتاندى. ونىڭ تورتەۋى بۇل اتاقتى ەكى مارتە يەلەندى. 110 قازاقستاندىق ءۇشىنشى دارەجەلى داڭق وردەنىمەن ماراپاتتالدى.
سوعىسقا شاقىرتىلعاندار – 1,2 ملن
قازا تاپقاندار – 600 مىڭ
وردەن، مەدال العاندار – 100 مىڭ
كەڭەس وداعىنىڭ باتىرى اتانعاندار – 500
ەكى مارتە كەڭەس وداعىنىڭ باتىرى اتانعاندار – 4
ءىىى دارەجەلى داڭق وردەنىمەن ماراپاتتالعاندار - 110.
سوعىس كوپتەگەن ازاماتتارىمىزدىڭ ءومىرىن قيدى. "اتامنىڭ اماناتى" بىرلەستىگى ەكىنشى دۇنيەجۇزىلىك سوعىس دالالارىندا شايقاسقان 271 مىڭ قازاقستاندىقتىڭ حابارسىز كەتكەنىن حابارلادى. جالپى العاندا، سوعىس جىلدارىندا قازاقستان ميلليوننان اسا ادامنان ايىرىلۋى مۇمكىن.
ال رەسمي باسىلىمدار ەكىنشى دۇنيەجۇزىلىك سوعىس مايدانىندا 600 مىڭنان اسا قازاقستاندىقتىڭ قازا تاپقانىن حابارلايدى. ياعني، اسكەرگە شاقىرىلعانداردىڭ جارتىسى سوعىستان ورالماعان. قازا بولعاندار - قازاقستان حالقىنىڭ 11,2 پايىزىنا تەڭ.
كەشە مەملەكەت باسشىسىنىڭ جارلىعىمەن ۇلى وتان سوعىسىنىڭ ەكى ارداگەرى قايمولدين ابدىعالي مەن گاپيچۋ يۆان ستەپانوۆيچكە «حالىق قاھارمانى» اتاعى بەرىلدى.
"ادىرنا" ۇلتتىق پورتالى
