Bügın Qazaqstan Jurnalister odaǧynyŋ qūrylǧanyna - 65 jyl. 1959 jyly 12 – 14 qaraşadaötken Qazaqstan jurnalisterınıŋ 1-sezınde Qazaqstan jurnalister odaǧy qūrylǧan bolatyn. 2001 jyly säuırde qaita tırkeldı.
Qazaqstan jurnalister odaǧynyŋ tarihy ötken ǧasyrdyŋ 20-jyldarynan bastau alady. Tūŋǧyş sez kezınde “Baspasöz turaly” degen taqyrypta baiandama jasalyp, baspasözdıŋ mındetterı aiqyndaldy. Būl kezde orys tılınde 16, qazaq tılınde 12, ūiǧyr tılınde 1 gazet şyǧyp tūrǧan. Sezd baspasöz qyzmetkerlerınıŋ ūiymyn qūryp, onyŋ Bükılqazaqstandyq Ortalyq biurosyn sailady, töraǧalyǧyna Tūrar Rysqūlovty bekıtken bolady.
Qazır QR Jurnalister Odaǧynyŋ Töraǧasy - Mataev Seiıtqazy Beisenǧazyūly.
«Qazaqstan Respublikasy Jurnalister Odaǧy» – azamattardyŋ ūltyna, dıni ūstanymyna, saiasi partiialar men qoǧamdyq bırlestıkterdegı müşelıgıne qaramastan, qoǧamnyŋ äleumettık, mädeni, ekonomikalyq jäne basqa da aktualdy problemalaryn şeşuge, sondai-aq memlekettıŋ qoǧamdyq-ekonomikalyq, saiasi, mädeni prosesterın BAQ-tarda obektivtı jäne jan-jaqty körsetkısı keletın jurnalisterdıŋ qoǧamdyq bırlestıgı.
QR JO – memlekettık jäne respublikamyzdyŋ basqa da tılderınde şyǧatyn basylymdarǧa metodologiialyq jäne ädıstemelık kömek körsetedı, sondai-aq, jurnalistika men BAQ-tardy damytu mäselelerıne qatysty simpoziumdar, seminarlar, konferensiialar ötkızıp tūrady; Qazaqstanda bolyp jatqan oqiǧalar şeteldık baspasözde tolyq jäne obektivtı türde körsetılu üşın şeteldık BAQ ökılderıne aqparat aluǧa kömektesedı. BAQ qyzmetkerlerınıŋ tynyǧuyn ūiymdastyruǧa qoldau körsetedı.
