Elimizdiń damýyna qarjygerlerdiń qajyrly qaıraty qajet. Al Qazaq elinde ekonomıkalyq baǵytta bilim alyp, tıimdi jumys istep jatqan jas ǵalymdar barshylyq. Solardyń ishinde Nazarbaev ýnıversıtetiniń túlegi Dosbol Soıalhannyń esimin ataýǵa bolady. Qytaıda dúnıege kelip, týǵan jerde bilimin jalǵastyryp jatqan azamat Qazaq eliniń ekonomıkalyq damýyn qalaı elestedi?
«Ózge elde sultan bolǵansha, óz elińde ultan bol» degen sózdi qaperge alǵan Dosbol Soıalhan 2018 jyly elge kelip, 2019 jyly Qazaqstan Respýblıkasynyń azamattyǵyn alady. Qytaıdyń JOO bilim alǵan azamat Qazaq eline kele salyp, Nazarbaev ýnıversıtetiniń túlegi atanady.
«Qytaıdyń joǵary orta mektebinde 4 jyl bilim aldym. Odan keıin 2013-2017 jyldary Shańhaı Lıshın atyndaǵy Esep jáne qarjy ýnıversıtetinde qarjy ınjeneri mamandyǵynda bilimimdi tolyqtyrdym. Al elge kelgennen keıin 2020-2022 jyldary Nazarbaev ýnıversıtetiniń magıstrantýrasynda ekonomıka salasy boıynsha oqydym. Sol jyldary atalǵan ýnıversıtette oqytýshynyń kómekshisi bolsam, qazirgi tańda professordyń kómekshisi retinde qyzmetimdi jalǵastyryp jatyrmyn.
Negizi Nazarbaev ýnıversıteti joǵary deńgeıde bilim beredi. Máselen munda ózimiz alǵan bilimdi ıgerip qana qoımaı, ony odan ári jetildirýge mol múmkindik berilgen. Nazarbaev ýnıversıtetindegi bilim berý júıesin qytaıdaǵy ózim oqyǵan oqý ornynda kórmedim. Jalpy ózim aldaǵy bolashaǵymdy ǵylym jolmen baılanystyramyn. Sondyqtan da shet eldiń joǵary deńgeıdegi ýnıvesıtetiniń doktarantýrasynda oqýymdy jalǵastyrýdy josparlap otyrmyn. Qazirgi kezde álemdegi irgeli oqý oryndaryna qujattarymdy tapsyryp, jaýap kútip otyrmyn. Amerıaka men Eýropalyq elde bilimimdi jetildirip, olardyń bilim berý júıesimen tanysqym keledi», – deıdi ol.
Jas ekonomısten Qazaqstannyń ekonomıkalyq turǵydan damýy úshin qaı baǵytpen júrý kerek dep suradyq. Dosbol Soıalhannyń aıtýynsha, bir eldiń ekonomıkasy damý úshin geografııalyq, ulttyq, mádenı jáne dinı jaǵdaıyna mán berý kerek.
«Elimizdiń ekonomıkalyq jaǵdaıy jaqsarýy úshin ulttyq eresheligimizge saı jumystar istelýi kerek. Naqtyraq aıtsam bilim berý júıesin jetildirip, otbasy músheleriniń jumysshy kúshine mán berý kerek. Negizi on jyldan beri aıtylyp kele jatqan ekonomıkany ártaraptandyrý degen másele bar. Biz buǵan deıin munaı, gaz salasyna táýeldi boldyq. Biraq bul máseleni Qazaqstannyń óz úkimeti sheshe almaıdy. Mysaly sheteldik ınvestorlar Qazaqstanǵa ınvestıııa quıý úshin olardyń saraptaý, taldaý degen proesteri bolady. Olar «Qazaqstanǵa kelip ne úshin ınvestıııa quıýýym kerek» dep oılaıdy. Olardyń elge kelip, jumys isteýine barlyq jaǵdaı jasaý kerek. AQSh pen Eýropanyń myqty kompanııalary Qytaı men Reseıdiń ınvestorlarymen salystyrǵanda az keledi. Nege? Bul zańdyq jaǵymyzdyń osaldyǵynan ba, joq álde buǵan saıası jaǵdaı sebep bolyp otyr ma? Eger olardyń Qazaqstanǵa kelgisi kelmeıtin bir sebebi bolsa, biz ony tez arada túzeýimiz kerek», – deıdi Dosbol Soıalhan.
Jas ǵalymnyń aıtýynsha, el ekonomıkasynyń ósip órkendeýine ınvestıııa áser etedi. Al ınvestıııa tartý úshin el Úkimeti qolaıly jaǵdaı jasap otyr ma? Siz ne deısiz, oqyrman?
