Press karta alǵysy kelmegen jýrnalıster qalypty jumysyn jalǵastyra beredi – mınıstr

1920
Adyrna.kz Telegram

Press karta alǵysy kelmegen jýrnalıster qalypty jumysyn jalǵastyra beredi. Bul týraly Aqparat jáne qoǵamdyq damý mınıstri Darhan Qydyráli Qazaqstan Ulttyq arnasyna bergen suhbatynda aıtty, dep habarlaıdy “Adyrna” ulttyq portaly.

“1999 jyldan beri bizde zańnama ózgermegen. Ol kezde ınternet bolmady. Kóbine gazet-jýrnaldar boldy. Sondyqtan qazir zaman talaby boıynsha jańa zańnamaǵa qajettilik týyndap otyrǵany belgili. Birinshi, aqparattyq doktrına. Ony keshe ǵana Úkimet qaýlysymen bekitilip, Prezıdent Ákimshiligine usynyldy. Aqparattyq doktrına bizdegi negizgi uǵymdardy aıqyndaıdy. Mysaly, sóz bostandyǵy, jýrnalıstiń mártebesi, aqparattyq ımmýnıtetti arttyrý, aqparattyq qaýipsizdikke qarsy turý jáne t.b. Osyndaı basty qaǵıdattardy anyqtaıtyn uǵymdar doktrınada toptastyrylǵan”, - dep atap ótti ol.

Sózinshe, ol birneshe ýaqyt boıy ashyq portalda turǵan. Oǵan qatysty aıtylǵan ártúrli pikirlerdiń negizgileri eskerilgen. Sondaı-aq ol mınıstrliktiń basqa da zańdaryna negiz bolatyn tuǵyr.

“Ekinshi, mass medıa týraly. Ol jaıynda kóptegen pikir aıtylyp jatqanyn bilemiz. Bul qalypty jaǵdaı. Óıtkeni ol buǵan deıin de talqylanǵan jáne alda Májiliske deıin taǵy talqylanady”, - dep atap ótti mınıstr.

Darhan Qydyráli press karta aınalasynda kóterilgen máseleni de túsindirip ótti.

“Press karta - ol jaqynda ǵana engizilgen tájirıbe emes, ol kóptegen elde bar. Ýnıversıtetti bitirgen jýrnalıst jumysyn atqara beredi. Press karta ol jýrnalıstiń quqyqtyq mártebesin aıqyndaıdy. Oǵan artyqshylyqtar beredi. Bir jaǵynan ol stımýl, yntalandyrý. Sol arqyly mysaly, jeńildikpen páter alý, áleýmettik kómek alý nemese aqparatqa tez qol jetkizý máselelerinde kóptegen artyqshylyqqa ıe bolady. Press karta alǵysy kelmegen jýrnalıster qalypty jumysyn jalǵastyra beredi”, - dep túsindirdi Aqparat mınıstri suhbatta.

Ol osy másele boıynsha jýrnalısterdiń suraqtaryna jaýap berýge daıyn ekenin jetkizdi.

Pikirler