Aqparat jäne qoǧamdyq damu ministrı Darhan Qydyrälı bilıktı qataŋ synap jürgen jurnalist Duman Mūhamedkärımnıŋ ısıne qatysty pıkır bıldırdı, dep habarlaidy «Adyrna» tılşısı Azattyqqa sılteme jasap.
«Onyŋ üstınen özınıŋ jurnalistık qyzmetı üşın emes, saiasi közqarasy üşın qazır ıs qozǧalyp otyr. Būl jerde onyŋ jurnalistık qyzmetıne kereǧar şekteu qoiylyp jatqan joq. Ol sanaly türde saiasi közqarasy üşın osyndai qadamǧa baryp otyr»,—dep tüsındırdı basqarma basşysy.Al jurnalistıŋ advokaty Ǧalym Nūrpeiısovtıŋ aituynşa, belsendıge jaŋa aiyp taǧylǧan.
«Duman Mūhammedkärımge qatysty 258-baptyŋ 1-bölıgı boiynşa ıs qozǧaldy. Būǧan deiın qozǧalǧan 405-bappen bırıktırılıp jatyr. Negızgı ıs 258-bappen jüredı. Bızde jaŋa ǧana 258-bap boiynşa qozǧalǧan ıs aiasynda jauap alyndy. Duman qorǧanuǧa qūqyǧy bar kuä retınde sūraqtarǧa jauap berdı. Is Äbliazovpen bolǧan sūhbatqa qatysty. Özge aqparat aita almaimyn»,—dedı ol.Eske salaiyq, 28 mamyrda Qonaev soty «beibıt jiyn ötkızu tärtıbın būzdy» (488-bap, 12-bölıgı) degen aiyppen Duman Mūhammedkärımdı 25 täulıkke qamaǧan edı. Alaida BAQ ökılı sot şeşımıne qarsylyq bıldırıp, aştyq jariialady. Būǧan deiın onyŋ jaqtastary 28 mamyrda jurnalistıŋ zaŋsyz ūstaluyna bailanysty qūqyq qorǧau organdarynan tekserıs jürgızudı talap ettı. Polisiia ökılderı tekserıs jalǧasyp jatqanyn habarlady.
Ūqsas jaŋalyqtar
