Aqparat jáne qoǵamdyq damý mınıstri Darhan Qydyráli bılikti qatań synap júrgen jýrnalıst Dýman Muhamedkárimniń isine qatysty pikir bildirdi, dep habarlaıdy «Adyrna» tilshisi Azattyqqa silteme jasap.
«Onyń ústinen óziniń jýrnalıstik qyzmeti úshin emes, saıası kózqarasy úshin qazir is qozǵalyp otyr. Bul jerde onyń jýrnalıstik qyzmetine kereǵar shekteý qoıylyp jatqan joq. Ol sanaly túrde saıası kózqarasy úshin osyndaı qadamǵa baryp otyr»,—dep túsindirdi basqarma basshysy.
Al jýrnalıstiń advokaty Ǵalym Nurpeıisovtiń aıtýynsha, belsendige jańa aıyp taǵylǵan.
«Dýman Muhammedkárimge qatysty 258-baptyń 1-bóligi boıynsha is qozǵaldy. Buǵan deıin qozǵalǵan 405-bappen biriktirilip jatyr. Negizgi is 258-bappen júredi. Bizde jańa ǵana 258-bap boıynsha qozǵalǵan is aıasynda jaýap alyndy. Dýman qorǵanýǵa quqyǵy bar kýá retinde suraqtarǵa jaýap berdi. Is Áblıazovpen bolǵan suhbatqa qatysty. Ózge aqparat aıta almaımyn»,—dedi ol.
Eske salaıyq, 28 mamyrda Qonaev soty «beıbit jıyn ótkizý tártibin buzdy» (488-bap, 12-bóligi) degen aıyppen
Dýman Muhammedkárimdi 25 táýlikke qamaǵan edi. Alaıda BAQ ókili sot sheshimine qarsylyq bildirip, ashtyq jarııalady. Buǵan deıin onyń jaqtastary 28 mamyrda jýrnalıstiń zańsyz ustalýyna baılanysty quqyq qorǵaý organdarynan tekseris júrgizýdi talap etti. Polıııa ókilderi tekseris jalǵasyp jatqanyn habarlady.
