Polisiia jelıde taraǧan jasöspırım men polisiia qyzmetkerlerı qatysqan oqiǧaǧa qatysty pıkır bıldırdı, dep habarlaidy “Adyrna” ūlttyq portaly.
Aq jaiyq mälımetınşe, oqiǧa 31 şılde künı Atyrauda bolǧan.
Polisiiaǧa qala äkımdıgı aldyndaǧy alaŋda balalarǧa arnalǧan elektr kölıkterın zaŋsyz jalǧa beru qyzmetıne qatysty tūrǧyndardan şaǧym tüsken. Oqiǧa ornyna uchaskelık polisiia inspektorlary men qala äkımdıgı qyzmetkerlerı barǧan.
Tekseru barysynda balalarǧa arnalǧan jetı elektr kölıgı tärkılenıp, arnaiy tūraqqa qoiylǧan. Qazır būl jalǧa beru qyzmetınıŋ zaŋdylyǧy tekserılıp jatyr.
Polisiianyŋ habarlauynşa, elektr kölıkterın tieu kezınde jasöspırımderdıŋ bırı kölıkke otyryp alyp, polisiia qyzmetkerlerınıŋ zaŋdy talabyn oryndaudan bas tartqan. Sondai-aq onyŋ saǧat 23:00-den keiın qoǧamdyq orynda zaŋdy ökılınsız jürgenı anyqtalǧan.
Osydan keiın jasöspırım Atyrau qalalyq polisiia basqarmasyna jetkızılgen. Onyŋ zaŋdy ökılıne bala tärbiesıne qatysty mındetterdı tiısınşe oryndamaǧany jäne kämeletke tolmaǧan balanyŋ tüngı uaqytta eresekterdıŋ qarauynsyz qoǧamdyq orynda jüruıne jol bergenı üşın äkımşılık hattama toltyryldy.
Polisiia departamentı tekseru aiaqtalǧannan keiın qoldanystaǧy zaŋnamaǧa säikes tiıstı şeşım qabyldanatynyn habarlady
