Ata-analardyń What’s app messendjerindegi chattarynda birneshe kún boıy mektep ashanalaryndaǵy tamaq pen sýsyndarǵa "Pfizer" vakınasy qosylýda" degen habarlama taralýda, dep habarlaıdy “Adyrna” ulttyq portaly Stan.kz saıtyna silteme jasap.
Olardyń aıtýynsha, vakına qosylǵan tamaqty qabyldaǵan balalarda qaýipti aýrýdyń belgileri, ıaǵnı, júrek aıný jáne qusý baıqalýda. Atyraý oblysynyń Densaýlyq saqtaý basqarmasy áleýmettik jelilerde taratylǵan aqparatty joqqa shyǵardy.
“What's app jelisinde dybystyq habarlama taratqan belgisiz áıel "Pfizer" vakınasy balalarǵa muryn tamshylary arqyly da engizilýde dep málimdeıdi. Bul aqparat shyndyqqa janaspaıdy. Sebebi, "Pfizer" kompanııasy óndirip otyrǵan "Komırnatı" vakınasynyń ár qutysy 6 adamǵa arnalǵan. Jáne vakınalar medıınalyq oryndarda arnaıy muzdatqyshta saqtalýda. Vakına 12 jastan 18 jasqa deıingi jasóspirimderge ata - analardyń kelisimi boıynsha ıyqqa salynady, vakınanyń muryn tamshylary men spreı túrindegi balamalary joq”, - dep habarlady Densaýlyq saqtaý basqarmasynyń baspasóz qyzmeti.
“Adyrna” ulttyq portaly
