“Qaıǵyly Qańtar” qaıtalanbaý úshin túrki birligin saqtaýymyz kerek. Bizdi, táýelsizdikti saqtaıtyn túrki birligi. Bul pikirdi belgili ekonomıst, qoǵam qaıratkeri Januzaq Ákim “Adyrna” ulttyq portalyna aıtyp berdi.
“Osydan bir jyl buryn bárimizge belgili “Qaıǵyly Qańtar oqıǵasy” boldy. Bul qazaq halqy úshin óte qaıǵyly 238 adamnyń ómirin qıǵan oqıǵa boldy. Bul árıne, aıaq astynan shyqty. Jańaózende munaı men gaz qunynyń kóterilýinen bastaldy. Biraq Almatyǵa, ońtústik óńirge kelgende jappaı uıymdasqan qylmystyq toptar kiristi. Bul máseleni biz emoııamen sheshe almaımyz. Ony túsiný kerek. Bul - bir.
Ekinshi, qaıǵyly oqıǵa áli tekserilip bolǵan joq. Osy jańa jyldyń aldynda bas prokýratýranyń qyzmetkerleri Azattyqqa bergen suhbatynda “prokýratýra ózinshe tekserip jatyr, ishki ister mınıstrligi ózinshe, ulttyq qaýipsizdik komıteti ózderinshe tekserip jatyr” deıdi. Biz barlyǵyn tekserip almaı, onyń jaýabyn bere almaımyz.
“Elimiz “Qańtar qasiretinen keıin birneshe sabaq aldy. Adamdarymyzdan aıyrylyp, júregimiz qan jylady. Halyqtyń bılikke degen yzasy baıqaldy. Munyń barlyǵyn qaıta boldyrmaýymyz kerek? Ol úshin ne isteımiz?
Birinshi, bizde ult birligi bolýy kerek. Ol aldymen, qazaqtyń birigýi, sosyn qazaq qazaqstandyqtardy biriktirý kerek. Sonda el birigedi. Ekinshi, bılik ulttyq memleketti moıyndap, sonyń múddesine jumys jasaǵanda ǵana qoǵam damıdy. Odan basqa qazaq bir jaqqa, bılik bir jaqqa tartyp, qoǵam damymaıdy. Úshinshi, túrki birligi. Bizdi, táýelsizdikti saqtaıtyn túrki birligi”, - dedi Januzaq Ákim.
