Almaty äskeri soty qaŋtar oqiǧasy kezınde qaza tapqan tört jasar Aikörkem Meldehannyŋ ölımıne qatysty talqylaudy aiaqtady, dep habarlaidy «Adyrna» tılşısı Orda.kz-ke sılteme jasap.
Sotta prokuror Aidos Aqbergen aiyptaluşy äskeri qyzmetker Arman Jūmandy 7 jylǧa bas bostandyǧynan aiyrudy sūrady. Būl — «Bilıktı asyra paidalanu» (451-bap, 2-bölıgı 1-tarmaǧy) baby boiynşa eŋ qatal jaza.
Qaza tapqan qyzdyŋ äkesı sot prosesınıŋ ötu barysyna köŋılı tolmaitynyn jetkızdı.
«Ne sebeptı bes adamnyŋ kuäger retınde ötıp otyrǧanyn tüsınbeimın, olar Arman Jūmanmen qatar aiyptaluşy ornynda otyruy kerek edı. Sebebı aiyptaluşynyŋ qasynda boldy. Olar eşteŋege qaramai kölıkke oq ata bergen. Bıraq būl qyzmetkerlerge būiryqty kım bergen?Nege bölım komandirı, batalon komandirın jazalamaidy?»—dedı Aidos Meldehan.
Basylymnyŋ jazuynşa, küdıktınıŋ qorǧauşysy sottan ony tolyq aqtaudy talap etken.
Eske salsaq, tört jasar Aikörkem Meldehan 7 qaŋtarda äkesınıŋ kölıgınde qaitys bolǧan. Oq qyzdyŋ basyna tiıp, ol sol jerde jan tapsyrǧan. Būl kezde kölıkte onyŋ aǧasy men äpkesı bolǧan, olar da jaraqat alǧan.
Būǧan deiın sudia ıste «memlekettık qūpiia» mälımetter bar ekenın aityp, sotty jabyq etken edı. Būǧan jäbırlenuşı jaq qarsy bolǧan.
